نیویارک : اقوام متحدہ کی جنرل اسمبلی کا 77 واں سالانہ اجلاس کل ( منگل) کو شروع ہو گا۔اجلاس میں امن و سلامتی سے متعلق امور پر توجہ مرکوز کی جائے گی۔ کورونا وائرس کی عالمگیر وبا کے بعد پہلی بار اس اجلاس میں رکن ممالک کے سربراہان مملکت و حکومت اور دیگر عہدیدار شرکت کر رہے ہیں۔


تفصیلات کے مطابق وزیراعظم پاکستان محمد شہباز شریف جنرل اسمبلی سے اپنے خطاب میں پاکستان میں حالیہ تباہ کن سیلاب میں ماحولیاتی تبدیلیوں کے کردار کو اجاگر کریں گے ۔ نیویارک میں اقوام متحدہ کےصدر دفتر میں اجلاس کے کے لئے سخت حفاظتی اقدامات کئےگئے ہیں
اجلاس میں متوقع طور پر زیر بحث آنے والے مسائل میں دنیا کے مختلف حصوں میں جاری تنازعات، ماحولیاتی تبدیلیاں ، کورونا وائرس کی عالمگیر وبا کے باعث غربت، بھوک اور عدم مساوات میں ہونے والا اضافہ جس سے محروم طبقات خاص طور سے متاثرہ ہو رہے ہیں
اقوام متحدہ میں پاکستان کے مستقل مندوب منیر اکرم نے اے پی پی کوبتایا کہ اس اجلاس میں ماحولیاتی تبدیلیوں پر بحث ہمارے لئے خصوصی اہمیت کی حامل ہو گی ۔
انہوں نے کہا کہ وزیر اعظم پاکستان شہباز شریف کے 23 ستمبرکو جنرل اسمبلی سے خطاب میں پاکستان میں سیلاب سے بڑے پیمانے پر تباہی اور ماحولیاتی تبدیلیوں اور عالمی حدت میں اضافے کے خطرات کو اجاگر کیا جائے گا ۔ اجلاس میں ماحولیاتی تبدیلیوں کے نتیجے میں کساد بازاری کے خطرے پر بھی غور ہو گا ۔ اجلاس میں زیر بحث آنے والے دیگر مسائل میں مسئلہ کشمیر،مسئلہ فلسطین، افغانستان، ایران کے جوہری معاہدے پر مذاکرات اور کوریائی خطے کی صورتحال شامل ہیں۔
اقوام متحدہ میں پاکستان کے مستقل مندوب نے کہاکہ اقوام متحدہ کی جنرل اسمبلی کے اجلاس کے موقع پر، وزیر اعظم افریقی یونین، یورپی یونین اور امریکا کی طرف سے مشترکہ طور پر منعقد ہونے والی گلوبل فوڈ سیکورٹی سمٹ اور کوپ ۔27میں شرکت کریں گے ۔
انہو ں نے کہا کہ گلوبل فوڈ سکیورٹی سمٹ اور کوپ ۔27 موسمیاتی تبدیلی پر تبادلہ خیال، بین الاقوامی برادری سطٖح پر درپیش اہم چیلنجوں سے نمٹنے کے لیے موثر اقدامات پر غور و فکر کرنے کے لیے اہم پلیٹ فارمزثابت ہوں گے ۔ وزیراعظم مختلف ممالک کے اپنے ہم منصبوں، جنرل اسمبلی کے صدر، سیسابا کوروس، اقوام متحدہ کے سربراہ کے ساتھ ساتھ بین الاقوامی تنظیموں، بین الاقوامی مالیاتی اداروں اور مخیر تنظیموں کے سربراہان سے ملاقاتیں کریں گے۔
اقوام متحدہ کے سیکرٹری جنرل اور امریکی صدر جو بائیڈن کی جانب سے دیے گئے استقبالیہ کے دوران رہنماؤں کو بات چیت کا موقع بھی ملے گا اور وزیراعظم شہباز شریف بین الاقوامی میڈیا سے بھی بات چیت کریں گے۔
وزیر خارجہ بلاول بھٹو زرداری جی ۔77 اور چین کے وزرا خارجہ کےسالانہ اجلاس اور او آئی سی وزراخارجہ کے سالانہ کوارڈینیشن اجلاس کی صدارت کے ساتھ ساتھ کئی اعلیٰ سطح کے اجلاسوں میں شرکت ، متعدد ممالک کے وزرا خارجہ سے ملاقاتیں ، تھنک ٹینک سے خطاب اور او آئی سی رابطہ گروپ برائے جموں و کشمیر کے اجلاس میں شرکت کریں گے۔

راولپنڈی: گھر سے خاتون اینکر ربیعہ احسن کی گولی لگی لاش برآمد
- 13 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- ایک دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 13 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- ایک دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- ایک دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 21 گھنٹے قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 14 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 13 دن قبل

پیٹرول اور ڈیزل کی نئی قیمتوں کا اعلان
- 17 گھنٹے قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- ایک دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- 6 منٹ قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 13 دن قبل








