آئی فون 14 پرو میں متعارف ہونے کے ایک ہفتے بعد خامیاں سامنے آگئیں

ایپل فون سے متعلق خبریں دینے والی ویب سائٹ’9 ٹو 5 میک’ کی رپورٹ کے مطابق ایسا لگتا ہے کہ کئی صارفین کے ساتھ آئی فون 14 پرو کے کیمرے میں مسئلہ ہے۔

موبائل صارفین نے شکایت کی کہ سوشل میڈیا پلیٹ فارم انسٹاگرام، ٹک ٹاک یا اسنیپ چیٹ کے استعمال کے دوران موبائل سے میکینکل آوازیں آتی ہیں یا اسکرین رُک جاتی ہے، ایسا لگتا ہے کہ آٹو فوکس اور فوکس میں بھی مسائل ہیں۔

سوشل میڈیا پلیٹ فارم ٹوئٹر اور ریڈٹ استعمال کرنے کے دوران ‘لائک’ کے بٹن سے متعلق بھی کئی شکایات رپورٹ ہوئیں، متعدد صارفین نے ان مسائل کی ویڈیو بھی شئیر کی تھی۔

ایک صارف نے شکایت کی کہ سوشل میڈیا پلیٹ فارم ‘اسنیپ چیٹ’ استعمال کرتے وقت موبائل فون سے آوازیں آرہی تھیں۔

So uh, we’re having some issues with the 14 Pro Max camera pic.twitter.com/7HH1wLFjdF

— Luke Miani (@LukeMiani) September 16, 2022

اسی طرح ایک اور صارف کا کہنا تھا کہ ٹک ٹاک استعمال کرتے ہوئے انہیں کیمرے کے مسائل کا سامنا کرنا پڑا۔

ایپل کے ترجمان انگاڈجٹ کا کہنا تھا کہ ‘نئے آئی فون سے متعلق درپیش مسائل سے ہم بخوبی آگاہ ہیں، ہم اس مسئلے کو اگلے ہفتے جلد حل کرلیں گے’۔

ان کا کہنا تھا کہ یہ ہارڈ ویئر کے بجائے سافٹ ویئر کا مسئلہ ہے۔ ایپل فون سے متعلق خبریں دینے والی ویب سائٹ نے اس بات کی نشان دہی کی ہے کہ صارفین کو یہ مسائل تب درپیش ہوتے ہیں جب وہ ایپل فون کی ایپ استعمال کرنے کے علاوہ دوسری کمپنیوں کی ایپ یا تھرڈ پارٹی ایپ استعمال کرتے ہیں،

دراصل ایسی ایپ آئی فون 14 پرو کے آپٹیکل امیج اسٹیبلائزیشن سسٹم میں ٹھیک طرح سے کام نہیں کرسکتی، جس کی وجہ سے موبائل فون سے میکینکل آوازیں آنا شروع ہوجاتی ہیں۔

اسنیپ چیٹ نے اپنے بیان میں کہا کہ ‘ہم صارفین کی شکایات حل کرنے کے لیے ایپل کے ساتھ براہ راست کام کررہے ہیں، آئی فون 14 سافٹ وئیر کے ساتھ کیمرہ چند صارفین کے لیے کام نہیں کرتا’۔

انگاڈجٹ نے ان مسائل پر تبصرہ کرنے کے لیے ٹک ٹاک اور میٹا سے بھی رابطہ کیا۔