ایران میں 5.7 شدت کا زلزلہ ، 200 سے زائدافراد زخمی 

امریکی جیولوجیکل سروے کے مطابق ایران کے شمال مغربی حصوں میں  آج آنے والے زلزلے کی شدت 5.7 ریکارڈ کی گئی ہے ۔

 زلزلے سے لوگوں میں خوف و ہراس پھیل گیا اور وہ کلمہ طیبہ کا ورد کرتے گھروں سے باہر نکل آئے ۔ 

میڈیا رپورٹس کے مطابق متاثرہ علاقوں میں زخمیوں کی اطلاعات ملتے ہی ریسکیو اہلکار پہنچ گئے جنہوں نے 276 افراد کے زخمی اور 68 کے معمولی زخمی ہونے کی تصدیق کی ہے۔ زلزلے کے بعد آفٹر شاکس  کا سلسلہ بھی جاری رہا ۔ 

زلزلے کا مرکز مغربی آذربائیجان کے صوبے کے ایک قصبے خوئے  کے قریب تھا  جبکہ   زلزلے کی گہرائی 10 کلو میٹر تھی۔ 

یاد رہے 2013 میں ایران کے شہر بام میں 6.7 شدت کا زلزلہ آیا تھا جس میں 34 ہزار سے زائد افراد جاں بحق ہوئے تھے ۔