جرمن باشندوں کو لے جانیوالا طیارہ کوسٹاریکا کے قریب لاپتہ

غیر ملکی میڈیا کے مطابق جمعے کے روز میکسیکو سے اُڑان بھرنے والا ایک چھوٹا طیارہ لاپتہ ہوگیا ، طیارے میں  پانچ  جرمن باشندے سوار تھے ۔

اس حوالے سے کوسٹاریکا کے وزیر برائے پبلک سکیورٹی کا کہنا ہے کہ طیارے کے حوالے سے ہمیں اطلاع موصول ہوئی کہ طیارے کا کوسٹاریکا کے قریب کنٹرول ٹاور سے رابطہ منقطع ہوگیا ہے۔

انتظامیہ کا کہنا ہے کہ  طیارہ شام 6 بجے کے قریب لاپتہ ہوا تھا جس کا سراغ لگانے کے لیے فوری اقدامات   اٹھائے گئے  تاہم  موسم کی خرابی اور  رات ہونے کی وجہ سے سرچ آپریشن روک دیا گیا ، صبح نئے سرے سے آپریشن کا آغاز کیا گیا جس کے بعد سے اب تک طیارے کی تلاش جاری ہے ۔