ٹی  ٹوئنٹی  ورلڈ کپ: پاکستان اور بھارت کی ٹیمیں کل آمنے سامنے ہونگی

ٹی 20 ورلڈ کپ کے دلچسپ مقابلے آسٹریلیا میں جاری ہیں ، میگا ایونٹ میں کل(اتوار کو ) گروپ ٹو کے میچ میں پاکستان اور بھارت کی ٹیمیں میلبورن کرکٹ گراؤنڈ میں مد مقابل ہونگی ۔ 

مایہ ناز بلے باز  بابر اعظم پاکستانی ٹیم کی قیادت  کریں گے جبکہ دیگر نمایاں کھلاڑیوں میں محمد رضوان، شاہین شاہ آفریدی، شاداب خان، محمد نواز اور حارث رؤف شامل ہیں۔

بھارتی ٹیم روہیت شرما کی قیادت میں میدان میں اترے گی ،نمایاں کھلاڑیوں میں بلے باز  ویرات کوہلی، ہارڈیک پانڈیا، بھونیشور کمار، سوریا کمار یادیو   شامل ہیں ۔ 

 اس سے قبل گروپ ون کا میچ سری لنکا اور آئرلینڈ کے درمیان ہوبارٹ میں کھیلا جائے گا۔

پاکستانی ٹیم اپنا دوسرا گروپ میچ 27 اکتوبر کو زمبابوے، 30 اکتوبر کو نیدرلینڈز، 3 نومبر کو ساؤتھ افریقہ اور 6 نومبر کو بنگلہ دیش کے خلاف کھیلے گی۔