وزیر اعظم کی ارشد شریف کی میت کی وطن واپسی کے لئے فوری اقدامات کی ہدایت

تفصیلات کے مطابق وزیر اعظم شہباز شریف نے سینئر صحافی ارشد شریف کی میت کی وطن واپسی کے لئے خارجہ اور داخلہ کی وزارتوں کو فوری اقدامات کی ہدایت کردی۔

وزیراعظم نے سیکریٹری خارجہ اور سیکریٹری داخلہ کو میت کی واپسی کے عمل کو تیز بنانے اور دونوں وفاقی سیکریٹریز کو کینیا کے حکام سے رابطے میں رہنے کی بھی ہدایت کی۔

وزیراعظم کا کہنا تھا کہ میت کی وطن واپسی کے تمام مراحل کی ذاتی طور پر نگرانی کریں۔

یاد رہے وزیراعظم شہباز شریف نے ٹوئٹر پر اپنے تعزیتی بیان میں کہا تھا کہ صحافی ارشد شریف کی المناک موت کی افسوسناک خبر سے مجھے بہت دکھ ہوا ہے۔

شہباز شریف کا کہنا تھا کہ اللہ تعالیٰ ارشد شریف کو جنت میں جگہ عطا فرمائے، سوگوار خاندان سے تعزیت اور دعائیں ان کے ساتھ ہیں۔