دنیا کا گندا ترین آدمی 94 سال کی عمر میں چل بسا

ایران کی سرکاری خبر ایجنسی کے مطابق امو حاجی اتوار کی صبح انتقال کرگئے، وہ تقریباً نصف صدی سے ایک مرتبہ بھی نہیں نہائے تھے۔

حاجی کا خیال تھا کہ وہ نہانے سے بیمار پڑسکتے ہیں اس لیے انہوں نے 50 سال تک نہانے سے مکمل پرہیز کیا۔

لیکن چند ماہ پہلے گاؤں کے لوگ پہلی مرتبہ انہیں نہلانے کیلئے باتھ روم لے گئے جس کے بعد وہ کچھ مہینے ہی زندہ رہ سکے۔

نہانے سے گریز کی وجہ سے حاجی کے جسم اور بالوں پر گندگی اور میل کی موٹی تہیں جم چکی تھیں اور انکے پاس سے شدید بدبو آتی تھی۔

امو حاجی کی زندگی پر 2013 میں ایک مختصر ڈاکیومینٹری فلم بھی بنائی گئی تھی۔