شاعرِ مشرق ڈاکٹرعلامہ اقبال کے یومِ پیدائش پر پیغام میں وزیراعظم نے کہا کہ آج پوری قوم ڈاکٹر علامہ اقبال کا یومِ پیدائش بڑی عقیدت و احترام سے منا رہی ہے ، علامہ اقبال نے امتِ مسلمہ کے نوجوانوں کو اپنے اسلاف کی قربانیوں ، ان کی عظمت اور اپنی کھوئی ہوئی میراث سے روشناس کروانے میں اہم کردار ادا کیا۔


ڈاکٹر علامہ اقبال کے یوم پیدائش پر وزیرِ اعظم شہباز شریف نے اپنے پیغام میں کہا کہ اقبال کا خواب امن کا گہوارہ، سیاسی برداشت اور بھائی چارے کا پاکستان تھا جہاں نوجوان تعمیری سوچ کے ساتھ ملک کو ترقی کی بلندیوں تک لے کر جائیں، ادارے مضبوط جبکہ عوام باشعور اور معیشت مستحکم ہو، آئیں مل کر آج کے دن یہ عہد کریں کہ ہم اقبال کے پاکستان کے حصول کیلئے دن رات محنت کریں گے، مجھے اپنی قوم اور بالخصوص نوجوانوں پر پورا اعتماد ہے۔
وزیراعظم نے کہا کہ اقبال نے امت کے نوجوانوں کو شاہین سے تعبیر دی جو اپنے حوصلے، خود اعتمادی، بہادری اور درویشی کی بدولت پرندوں میں منفرد مقام رکھتا ہے، اقبال نے نوجوانوں کو مسلمانوں کے تابناک ماضی سے سبق حاصل کرکے مستقبل میں علم و تحقیق کی منازل طے کرنے کی تلقین کی اور یوں دنیا کو تسخیر کرکے ستاروں پر کمند ڈالنے کا نیا جوش و ولولہ پیدا کیا۔
وزیر اعظم نے کہا کہ اقبال کے فلسفہِ خودی نے انسانیت کو دنیا کی تمام تر قوتوں کو زیر کرکے اپنی ذات کے ادراک سے دنیا اور آخرت کی منازل آسانی سے طے کرنے کا ایک ایسا نسخہِ کیمیاء فراہم کیا کہ جس کے اثرات نہ صرف برِ صغیر پاک و ہند بلکہ دنیا بھر میں آج بھی محسوس کئے جاتے ہیں اور اقبال کی تعلیمات پر نہ صرف خطے بلکہ پوری دنیا میں آج بھی جدید جامعات میں تحقیق کی جارہی ہے۔
انہوں نے کہا کہ اقبال کی دینی خدمات بھی کسی سے پوشیدہ نہیں، انہوں نے دنیائے اسلام کو جدت بخشی اور تحقیق کی حوصلہ افزائی کی. اقبال کا قرآن کی تعلیمات سے لگاؤ اور حضور پاک صلی اللہ علیہ وسلم سے ان کی محبت مثالی تھی۔
شہباز شریف نے کہا کہ ڈاکٹر علامہ محمد اقبال نے برصغیر کے مسلمانوں میں اپنے بنیادی حق یعنی آزادی کا ایسا شعور بیدار کیا کہ اسکی بدولت مسلمانانِ ہند ایک پرچم تلے جمع ہوگئے، علامہ اقبال نے مسلمانوں کیلئے برِ صغیر پاک و ہند میں ایک علیحدہ ریاست کا خواب دیکھا جسے قائد اعظم اور مسلم لیگ کے دیگر رہنماؤں نے شبانہ روز محنت سے شرمندہ تعبیر کیا،
افسوس کہ اقبال اپنے خواب کی تعبیر دیکھنے سے پہلے ہی خالقِ حقیقی سے جا ملے مگر آئیں ہم خود سے سوال کریں کہ کیا واقعی ہم نے اقبال کے اس پاکستان جس کی تعمیر میں تحریکِ پاکستان کے لوگوں کی انتھک محنت، لاکھوں لوگوں کی قربانیاں اور ہمارے اجداد کی امیدیں وابستہ تھیں کی حفاظت کی؟ انہوں نے کہا کہ اقبال کا پاکستان امن کا گہوارہ، سیاسی برداشت اور بھائی چارے کا پاکستان تھا۔
اقبال نے ایک ایسے پاکستان کا خواب دیکھا تھا جہاں نوجوان تعمیری سوچ سے اس ملک کو ترقی کی ان بلندیوں تک لے کر جائیں جہاں اقوامِ عالم میں پہلے کوئی نہ گیا ہو. اقبال کے پاکستان میں معاشرے میں بڑے چھوٹے کی تمیز اور نظریات میں اختلاف پر تہذیب کے دائرے میں رہ کر گفتگو سے معاملات طے ہوں، اقبال کے پاکستان میں ادارے مضبوط، عوام با شعور اور معیشت اس قدر مستحکم ہو کہ پاکستان معاشی طور پر قرضوں کی زنجیروں سے پاک ہو۔
انہوں نے کہا کہ آئیں مل کر آج کے دن یہ عہد کریں کہ ہم اقبال کے پاکستان کے حصول کیلئے دن رات محنت کریں گے، مجھے اپنی قوم، بالخصوص نوجوانوں پر پورا اعتماد ہے کہ اگر وہ ٹھان لیں تو یہ منزل دور نہیں کیونکہ "ذرا نم ہو تو یہ مٹی بہت زرخیز ہے ساقی"۔
واضح رہے کہ ملک بھر میں عظیم قومی شاعر ڈاکٹر علامہ محمد اقبال کا 145واں یوم پیدائش آج قومی جوش و جذبے کے ساتھ منایا جا رہا ہے۔

بانی پی ٹی آئی سے ملاقات نہ کرانے پرعلیمہ خان نے توہین عدالت کی درخواست دائر کر دی
- 18 گھنٹے قبل

سری لنکا میں سائیکلون ڈِٹواہ نے تباہی مچادی، 46 افراد جاں بحق،متعدد لاپتا
- 18 گھنٹے قبل

پاکستان ہائی کمیشن کی کوششوں سے بھارتی جیلوں سے 3 پاکستانی شہری رہا
- 15 گھنٹے قبل

اسلام آباد سمیت ملک کے دیگر اضلاع میں موسم سرد اور خشک رہنے کا امکان
- 17 گھنٹے قبل

فواد خان اور ماہرہ خان کی فلم ’’نیلو فر‘‘ سینما گھروں کی زینت بن گئی،رنگا رنگ پریمیر کا انعقاد
- 18 گھنٹے قبل

فافن نے 23 نومبر کے ضمنی انتخابات کے حوالےسے رپورٹ جاری کردی
- 17 گھنٹے قبل

سہیل آفریدی صرف اڈیالہ کا مجاور بننے کیلئے وزیراعلیٰ بنا ہے، عظمیٰ بخاری
- 14 گھنٹے قبل

پاکستان 27-2026 کیلئے ای سی او وزرائے خارجہ کونسل کا چیئرمین منتخب
- 13 گھنٹے قبل

ایبٹ آباد: تیز رفتارجیپ گہری کھائی میں جاگری، 5افراد جاں بحق،متعدد زخمی
- 18 گھنٹے قبل

راولپنڈی: امن وامان کی صورتحال کے پیش نظر اڈیالہ جیل کے اطراف سکیورٹی ہائی الرٹ
- 17 گھنٹے قبل

حزب اللہ کا اسرائیل سے سنئیر کمانڈر کی شہادت کا بدلہ لینے کا اعلان
- 13 گھنٹے قبل

لالی وڈ سپر سٹار ماہرہ خان کی شوہر کے ہمراہ فلم ’’ نیلو فر‘‘ کے پریمیئر میں انٹری
- 15 گھنٹے قبل






