’دی لیجنڈ آف مولا جٹ‘ ہماری فلم سازی کی صلاحیتوں کا منہ بولتا ثبوت ہے: مریم اورنگزیب

تفصیلات کے مطابق وفاقی وزیراطلاعات مریم اورنگزیب نے سماجی رابطے کی ویب سائٹ  ٹوئٹر پر’دی لیجنڈ آف مولا جٹ‘ کی شاندار کامیابی پر اپنے ردِ عمل کا اظہار کرتے ہوئے لکھا کہ پاکستان اور بیرون ملک ’دی لیجنڈ آف مولا جٹ‘ کی بے مثال کامیابی پر خوش ہوں۔

اُنہوں نے لکھا کہ یہ پاکستان کی فلم سازی کی صلاحیتوں کا منہ بولتا ثبوت ہے۔

اُنہوں نے مزید لکھا کہ حکومت پاکستانی فلمسازوں کی صلاحیتوں کو سامنے لانے کے لیے ان کی مدد کر رہی  ہے ، پاکستان فلم انڈسٹری میں موجود ہر فرد کو انڈسٹری کی بہتری کیلئے اپنا کردار ادا کرنا چاہئے۔

Delighted with the unprecedented success of ‘The Legend of Maula Jatt’ in Pakistan & abroad. It is a testament to Pakistan’s filmmaking talent. The govt is supporting Pakistani filmmakers to reach their potential. Everyone in the Pakistan film industry must play their part too. pic.twitter.com/UcL2tInVSN

— Marriyum Aurangzeb (@Marriyum_A) November 9, 2022

یاد رہے کہ فلم ’دی لیجنڈ آف مولا جٹ‘جس میں فواد خان اور حمزہ علی عباسی مرکزی کردار ادا کر رہے ہیں، 1979ء کی نامور کلاسک پنجابی فلم ’مولا جٹ‘ کا نیا ورژن ہے۔