مدیحہ رضوی سے طلاق کی خبروں پر حسن نعمان کا ردعمل سامنے آگیا

کراچی : اداکار حسن نعمان نے سابقہ اہلیہ مدیحہ رضوی کی جانب سے طلاق کی تصدیق کے بعد ردعمل کا اظہار کیا ہے ۔

تفصیلات کے مطابق فوٹو اینڈ ویڈیو شیئرنگ پلیٹ فارم انسٹاگرام پر پوسٹ شیئر کرتے ہوئے اداکار حسن نعمان نے لکھا کہ ہماری طلاق ہوگئی ہے لیکن یہ باہمی رضا مندی سے نہیں ہوئی ہے۔

ان کا کہنا تھا  کہ میں اپنی بیٹیوں کے لیے بہت فکرمند ہوں، چاہتا ہوں کہ وہ زندگی کو بھرپور طرح سے گزاریں۔

اداکار نے لکھا کہ میں ایک بار پھر کہوں گا کہ میں شادی پر یقین رکھتا ہوں اور یہ طلاق نہیں چاہتا تھا بالخصوص اپنی بیٹیوں کے لیے، کہ وہ دونوں والدین کے بغیر زندگی گزاریں۔

انہوں نے مزید لکھا کہ مدیحہ نے اپنا شرعی حق استعمال کرتے ہوئے طلاق لی  اور بحیثیت مسلمان میں ان کے اس فیصلے کی مذمت کرتا ہوں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Hasan Noman (@hasannoman2)

اس سے قبل اداکارہ مدیحہ رضوی نے اپنے انسٹاگرام اکاؤنٹ سے طلاق کے حوالے سے خبروں کی تصدیقی پوسٹ شیئر کی تھی ۔ 

واضح رہے کہ اس جوڑے کی شادی 2013 میں ہوئی تھی اور ان کی دو بیٹیاں ہیں۔  مدیحہ رضوی ماضی کی مشہور اداکارہ دیبا کی صاحبزادی ہیں جب کہ اداکار حسن نعمان سینئر  اداکار رشید ناز کے صاحبزادے ہیں۔