ایکشن، رومانس اورسسپنس پر مبنی لالی وڈ فلم ’’لو دی سوں‘‘  عید الاالضحیٰ پر ریلیز ہو گی

لاہور: (عبد السلام علی)ایکشن، رومانس اورسسپنس پر مبنی لالی وڈ فلم ’’لو دی سوں‘‘  عید الاالضحیٰ پر ریلیز ہو گی۔

تفصیلات کے مطابق لاہور کے مقامی ہوٹل میں فلم لو دی سوں کی کاسٹ اور ٹیم کے ساتھ پریس میٹ کا انعقاد کیا گیا،جس میں فلم کی کاسٹ اور دیگر شخصیات شریک ہوئیں۔

اس موقع پر میڈیا سے گفتگو میں اداکار فرحان سعید نے کہا کہ چار سال بعد اسکرین پر واپسی ہوئی ہے،ایک نئے کردار میں فلم دیکھنے والوں کو متوجہ کرے گی۔

اداکار فرحان سعید اور مامیا شاہ جعفر کا کہنا ہے کہ فلم ایک نئے موضوع کے ساتھ پیش کی جا رہی ہے، امید ہے شائقین کی توقعات پر پورا اترے گی۔

میڈیا سے گفتگو میں اداکارہ مامیا شاہ جعفر اور اداکار رانا اعجاز نے کہا کہ فلم میں کام کرنا تھوڑا مشکل ہوتا ہے،تاہم اسکرپٹ مضبوط ہے، عوام اسے دیکھ کر فیصلہ کریں۔

خیال رہے کہ فلم ’’لو دی سوں‘‘ کی نمایاں کاسٹ میں اداکار فرحان سعید ، اداکارہ مامیا شاہ جعفر، رانا اعجاز ، تبریز خان اور دیگر شامل ہیں۔جبکہ  فلم کے ڈائریکٹر  عمران ملک ہیں۔