پاکستان کی پہلی ذومبی ہارر  فلم ذومبیڈ عید الالضحٰی پر ریلیز ہو گی،ایکشن اور تھرل پر مبنی فلم میں سٹار کاسٹ جلوہ گر ہو گی

لاہور:(عبد السلام علی) پاکستان کی پہلی ذومبی ہارر فلم ’’ذومبیڈ‘‘ عید الالضحٰی پر ریلیز ہو گی۔ایکشن اور تھرل پر مبنی فلم میں سٹار کاسٹ جلوہ گر ہونگی

تفصیلات کے مطابق لاہو میں فلم ’’ذومبیڈ‘‘ کی کاسٹ اور ٹیم کے ساتھ پریس میٹ کا انعقاد کیا گیا،جس میں اداکار فہد مصطفیٰ، اداکارہ مہوش حیات، فلم پروڈیوسر  فضا علی مرزا اور ڈائریکٹر نبیل قریشی نے شرکت کی۔ 

فلم کی کاسٹ کا کہنا ہے کہ نوجوان نسل کی موجودہ پسند کو مدنظر رکھتے ہوئے  پہلی مرتبہ اس موضوع کو پردہ اسکرین پر لایا جا رہا ہے۔

اس موقع پر جی این این نیوز سے خصوصی گفتگو کرتے ہوئے اداکار فہد مصطفیٰ اور اداکارہ مہوش حیات نے کہا کہ  اس طرز کی فلموں کی بہت ڈیمانڈ تھی جسے پورا کیا گیا ہے، فلم بینوں اور خصوصا نوجوانوں کو اس کا انتظار ہے۔فلم پروڈیوسر فضا علی مرزا اور ڈائریکٹر نبیل قریشی نے کہا کہ انڈسٹری کے موجودہ حالات ایسی فلموں کے متقاضی ہیں،نوجوان نسل کی رغبت خوش آئند ہے
 
بڑی عید پر ریلیز ہونیوالی فلم ذومبیڈ کی نمایاں کاسٹ اداکار فہد مصطفیٰ، اداکارہ مہوش حیات، جاوید شیخ  اور دیگر شامل ہیں، فلم  کی پروڈیوسر فضا علی مرزا اور ڈائریکٹر نبیل قریشی ہیں۔