تیسرا ون ڈے : جنوبی افریقہ کاپاکستان کیخلاف ٹاس جیت کر فیلڈنگ کا فیصلہ

 تفصیلات کے مطابق اکستان اور جنوبی افریقا کے درمیان 3 میچوں کی سیریز کا تیسرا اور آخری ون ڈے انٹرنیشنل میچ آج سینچورین میں کھیلا جائے گا ، پاکستانی وقت کے مطابق  میچ دوپہر1 بجے شروع ہوگا۔ فیصلہ کن میچ کے لئے پاکستان ٹیم میں چار تبدیلیوں کا امکان ہے، سرفراز احمد ،حسن علی ، محمد نوا ز،عثمان قادر کوٹیم میں شامل کیا گیا ہے۔  جبکہ جنوبی افریقہ کے پانچ اہم کھلاڑی آئی پی ایل میں شرکت کی وجہ سے آج کا میچ نہیں کھیلیں گے جن میں وکٹ کیپر  ڈی کوک، ربادا، انیرخ نورکیا، ڈیوڈ ملر اور این گینٹی شامل ہیں۔ نوجوان آل راؤنڈر شاداب خان پیر میں فریکچر کے باعث سیریز سے باہر ہوگئے ہیں۔

 سیریز کے پہلے میچ میں پاکستان نے جنوبی افریقہ کو 3وکٹ سے ہرایا تھا جبکہ دوسرے  میچ  میں جنوبی افریقہ نے 17 رنز سے پاکستان کو شکست دے کر سیریز ایک ایک سے برابر کر دی تھی۔دوسرے ایک روزہ میچ میں پاکستان کی جانب سے فخر زمان نے شاندار بلے بازی کا مظاہرہ کرتے ہوئے 193 رنز کی اننگز کھیلی تھی تاہم وہ آخری اوور میں رن آؤٹ ہو گئے تھے۔

   ون ڈے سیریز کے بعد دونوں ٹیموں کے درمیان 4 ٹی ٹوئنٹی میچز کھیلے جائیں گے۔