چین : فیکٹری میں  آگ لگنے سے 36 افراد ہلاک

غیرملکی میڈیا کے مطابق آنیانگ کی ایک  فیکٹری میں ہونے والی  آتشزدگی کے بعد دو افراد لاپتہ  ہیں جن کی تلاش کا عمل جاری ہے۔

سرکاری میڈیا کے مطابق 200 سے زائد سرچ اینڈ ریسکیو ورکرز اور 60 فائر فائٹرز نے جائے وقوعہ پر  امدادی کارروائیوں میں حصہ لیا ۔ 

چینی میڈیا کے مطابق گزشتہ شام سے لگنے والی آگ پر میونسپل فائر ریسکیو کی 36 گاڑیوں کی مدد سے قابو میں پایا گیا۔

مقامی انتظامیہ کا کہنا ہے کہ ایک مشکوک شخص کو موقع سے گرفتار کیا گیا ہے جس سے تفتیش کی جارہی ہے۔

اس سے قبل مارچ 2019 میں یانچینگ میں ایک کیمیکل فیکٹری میں ہونے والے دھماکے میں 78 افراد ہلاک اور  متعدد مکانات  تباہ ہو گئے تھے ۔