فیصل آباد : خوفناک ٹریفک حادثے میں 3 افراد جاں بحق 

جی این این کے مطابق  سمندری کے قریب تیز رفتار مزدا ٹرک  بڑے ٹرالر سے ٹکرا گیا ، جس کے نتیجے  میں ڈرائیور سمیت  3افراد جاں بحق ہوگئے ۔

حادثے کی اطلاع ملتے ہی موٹروے پولیس موقع پر پہنچ گئی،  موٹر وے پولیس  کے مطابق جاں بحق ہونے والوں میں 35 سالہ ساجد، 28 سالہ عدنان اور بیس سالہ عدنان شامل ہیں۔

 ترجمان موٹر وے پولیس کا کہنا ہے کہ  جاں بحق ہونے والوں کی نعشیں ریسکیو کے حوالے کردی گئی ہیں ۔