بھارتی اداکار و ماڈل ثاقب خان کا شوبز چھوڑ کر دین کے راستے پر چلنے کا اعلان

راؤڈیز سے شہرت حاصل کرنے والے کشمیری نژاد اداکار و ماڈل ثاقب خان نے انسٹاگرام پر ایک طویل پوسٹ شیئر کی جس میں انہوں نے اعلان کیا کہ وہ شوبز کا پیشہ ترک کرکے روحانیت کے راستے پر گامزن ہورہے ہیں۔ انھوں نے مزید کہا کہ اب وہ مستقبل میں ماڈلنگ اور اداکاری نہیں کرینگے۔

انھوں نے اس موقع پر اپنے نئے سفر کے حوالے سے کچھ تصاویر اور ویڈیوز بھی شیئر کیے ہیں۔ انکا یہ فیصلہ اداکارہ ثنا خان کی جانب سے چند ماہ قبل اسی رستے پر چلنے کے اعلان کے بعد سامنے آیا ہے۔ 

ثاقب خان نے اپنے انسٹا ہینڈلر پر لکھا۔ اسلام و علیکم بھائیوں اور بہنوں، امید ہے آپ سب خیریت سے ہونگے۔ آج کی میری پوسٹ میرے شوبز چھوڑنے سے متعلق اعلان پر مبنی ہے۔ اب میں آئندہ ماڈلنگ اور اداکاری نہیں کروں گا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by S A K I B K H A N (@saqibkhan_64)

ثاقب خان نے مزید تحریر کیا کہ ایسا نہیں ہے کہ ان کے پاس کام نہیں تھا اور وہ شوبز چھوڑ رہے ہیں، میرے پاس اس وقت بھی بہت پروجیکٹس موجود ہیں، لیکن اللّٰہ تعالیٰ کی مرضی نہیں تھی، ضرور کچھ اچھا اور بہتر سوچا ہوگا اللّٰہ نے میرے لیے، انشا اللّٰہ، کیونکہ وہی سب بہتر منصوبہ ساز ہے۔انھوں نے کہا کہ جہاں تک ممبئی میں جدوجہد کا تعلق ہے تو یہاں بقا کی جنگ لڑنا بہت مشکل ہوتا ہے لیکن مجھے فخر ہے کہ میں نے ایک سال کے مختصر دورانئے میں اچھی شہرت اور فین فالوونگ حاصل کی۔ 

واضح رہے کہ گزشتہ برس بالی ووڈ کی مشہور اداکارہ ثنا خان اور زائرہ وسیم نے شوبز انڈسٹری چھوڑنے کا اعلان کیا۔شوبز کی دنیا کو چھوڑنے کے ایک ماہ بعد ثنا خان نے ایک عالم دین سے شادی کر لی تھی۔