پاکستان کو ترسیلات میں 7.3 فیصد تک کمی ہوسکتی ہے: ورلڈبینک

عالمی  بینک کی رپورٹ کے مطابق پاکستان کو گزشتہ سال کے 31 ارب ڈالر کے مقابلے میں 2022 میں 29 ارب ڈالر کی ترسیلات ہوں گی جبکہ بنگلادیش اور سری لنکا کو بھی ترسیلات کی مد میں کمی متوقع ہے۔

عالمی بینک رپورٹ میں کہا گیا ہے کہ رواں برس بھارت کوترسیلات 100 ارب ڈالر تک پہنچنے کی توقع ہے، جنوری اور ستمبر کے دوران ڈالر کے مقابلے میں پاکستانی روپےکی قدر میں 36 فیصدکمی ہوئی۔

عالمی  بینک کی رپورٹ میں مزید کہا گیا ہے کہ سیلاب کی وجہ سے پاکستان میں 80 لاکھ افراد بےگھرہوئے ان متاثرین میں افغان پناہ گزین  بھی شامل ہیں۔