اسموگ سے لاہور پھر دنیا کا آلودہ ترین شہر بن گیا

غیرسرکاری اعدادوشمار کے مطابق لاہور کا ایئر کوالٹی انڈیکس 402 ہو گیا۔ محکمہ تحفظ ماحولیات کے جاری کردہ ایئر کوالٹی انڈیکس کے مطابق ٹاؤن ہال، مال روڈ پر ایئرکوالٹی انڈیکس 116، ٹاؤن شپ سیکٹرٹو میں 87 رہا۔

شہریوں کا کہنا ہے کہ اسموگ نے سانس لینا محال کر دیا۔ آنکھوں میں سوزش کی شکایت بھی ہیں۔ طبی ماہرین کہتے ہیں کہ اسموگ  سے بچاؤ کے لیے شہری احتیاطی تدابیر اختیار کریں۔
ڈی جی ماحولیات خواجہ سکندر شان کہتے ہیں کہ اسموگ کے خاتمے کے لیے ہماری ٹیمیں کام کر رہی ہیں۔ سی ٹی او لاہور ڈاکٹر اسد ملہی  کی ہدایت پر ٹریفک پولیس کی جانب سے شہر کے داخلی و  خارجی راستوں پر اسموگ کا باعث بننے والی گاڑیوں کے خلاف کارروائیاں جاری ہیں۔