یکم دسمبر سے پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔ 

ذرائع کے مطابق روسی تیل کی فی بیرل قیمت 60 ڈالر سے بھی نیچے آگئی جس کے باعث پاکستان میں بھی پٹرولیم مصنوعات کی قیمتوں میں 7 روپے تک کمی کی توقع کی جارہی ہے۔

ذرائع کے مطابق یکم دسمبر سے پٹرول 7 روپے جبکہ ڈیزل 6 روپے فی لٹر سستا ہونے کا امکان ہے۔

اوگرا نے قیمتوں میں رد و بدل کے حوالے سے ورکنگ کا آغاز کردیا، عالمی منڈی میں قیمتوں میں کمی کے نتیجے میں اوگرا کی طرف سے حکومت کو بھیجی جانے والی سمری میں پاکستان میں بھی پیٹرولیم مصنوعات سستی ہونے کا امکان ہے

ذرائع کا مزید کہنا ہے کہ پٹرولیم مصنوعات کی قیمتوں میں ردوبدل سے متعلق حتمی اعلان نگران وزیر اعظم کی منظوری کے بعد ہو گا۔

توشہ خانہ ریفرنس  میں آصف زرداری، نواز شریف، یوسف رضا گیلانی اور دیگر کے خلاف احتساب عدالت کے جج محمد بشیر نے سماعت کی ، نوازشریف کے وکیل قاضی مصباح،ارشد تبریز، نیب پراسیکیوٹرعرفان بھولا اور سہیل عارف عدالت میں پیش ہوئے ۔

نواز شریف کے پلیڈر رانا عرفان بھی عدالت میں پیش ہوکر شامل تفتیش ہوگئے ہیں، وکیل صفائی کاکہنا تھا  کہ سوالات دے دیے گئے ہیں، سوالات کے جوابات بھی فراہم کردیے گئے ہیں، جواب جمع ہوگیا تفتیشی نے بتادیا ۔

پراسیکیوٹر نے عدالت کو بتایا کہ جواب جمع ہوگیاہے، مزید کاروائی ہوگی، اس کے لیے تھوڑا وقت دیاجائے۔

وکیل  نے عدالت میں کہا کہ 2019ء  میں سوالنامہ تیارکیا، میاں صاحب علیل تھے، فراہم نہ کیاجاسکا۔ جو ریفرنس تیار کیا، جو گاڑی لکھی اس کی واپسی کے لیے کوئی ریکارڈ نہیں۔ کوئی دستاویز موجود نہیں کہ نوازشریف نے کوئی بھی گاڑی مانگی ہو۔

عدالت نے نیب سے استفسار کیا کہ اب اس پر کیا کریں گے؟، جس پر پراسیکیوٹر نے جواب دیا کہ ابھی بیان دیکھیں گے اور پھر اس پر مزید کارروائی ہوگی۔

اسلام آباد: لطیف کھوسہ اور بشری بی بی کے درمیان لیک ہونے والی آڈیو پر لطیف کھوسہ نے سخت ردعمل دیا ہے ۔

لطیف کھوسہ نے کہا کہ یہ آڈیو ایک وکیل اور کلائنٹ کے درمیان ہوئی تھی اس کو جس نے بھی لیک کیا ہے ان لوگوں کو شرم آنی چاہیے ۔

لطیف کھوسہ نےکہا کہ جسٹس بابر ستار نے بھی اس پر سوال اٹھایا کہ اس طرح کی آڈیو کالز کون لیک کرتاہے شرم آنی چاہیے ۔

لطیف کھوسہ نے کہا کہ جسٹس بابر ستار صاحب نے کہا کہ آئیں اس کا جواب جمع کرائیں کہ اس طرح کی آڈیو کون لیک کرتا ہے اور کیوں ان کو سزا نہیں دی جاتی اس کے پیچھے کون ہے ۔