سستا آٹا لینے کی کوشش میں بزرگ خاتون کا شناختی کارڈ اسسٹنٹ کمشنر نے جلا دیا

مظفرگڑھ: تحصیل جتوئی میں آٹے کا بحران بدستور جاری ہے سرکاری طور پر ملنے والہ آٹا غریب عوام میں تقسیم کرنے کے بجائے ہوٹلوں اور دکانوں کو سر عام فروخت کیا جا رہا ہے۔

اسسٹنٹ کمشنر جتوئی گل عباس کی مسلسل بے حسی اور مافیا سے گٹھ جوڑ پر بھوک اور افلاس سے مجبور عوام نے شدید احتجاج کیا جس پر اسسٹنٹ کمشنر جتوئی گل عباس موقع پر پہنچ گئے جیسے ہی گاڑی سے اترے تو خواتین مردوں کے جم غفیر نے شدید نعرے بازی کی اور دھکے دئیے حواس باختہ اسسٹنٹ کمشنر جتوئی  بھاگ کر گاڑی میں گھس گئے حواس باختگی کنٹرول نہ کرنے سے اسسٹنٹ کمشنر جتوئی کوریج کرنے اور  والے نجی ٹی وی چینل کے صحافی کو یرغمال بنا کر ویڈیوز بنانے والہ موبائل اور کیمرہ و دیگر چیزیں بھی چھین لیا کیمرہ اور موبائل سے ویڈیوز  اور ڈیٹا بھی ڈیلیٹ کر دیا۔

 اس موقع پر خواتین معراج بی بی، کلثوم مائی، صفیہ مائی، کاشفہ مائی، زرینہ بیگم، کے علاوہ سینکڑوں خواتین کا کہنا تھا کہ اسسٹنٹ کمشنر جتوئی اپنے من پسند لوگوں کو پرچیاں بھیج کر رکشے لوڈ کروا دیتا ہے عوام آٹا پوائنٹس پر ذلیل و خوار ہو رہی ہم کئی کئی دنوں سے چکر لگا رہے ہیں مگر آٹا نہیں دیا جارہا صبح نماز پڑھ کر لائنوں میں  لگتے ہیں سفارشی لوگ آٹا لے جاتے ہوٹل مالکان ودیگر مہنگے داموں ایڈوانس پیسے دیکر رکشے لوڈ کر جاتے ہیں مگر ہم منہ تکتے رہ جاتے ہیں اس موقع پر انہوں نے وزیر اعلیٰ پنجاب کمشنر ڈی جی خان، ڈی سی مظفرگڑھ سے مطالبہ کیا ہے کہ کرپٹ اسسٹنٹ کمشنر و عملہ سے ہماری جان بخشی کرا کے غریب عوام کو انکا حق مہیا کیا جائے