پشاور، پولیس لائنز کی مسجد میں دھماکہ،28افراد شہید

ابتدائی اطلاعات کے مطابق دھاکہ پولیس لائنز میں مسجد میں ہوا، جس میں 28 اہلکار شہید، زخمیوں کی تعداد 140 سے زائد بتائی جارہی ہے۔ 

دھماکے کے باعث عمارت کا ایک حصہ گر گیا ہے، دھماکے کی نوعیت کا تعین کیا جارہاہے۔

ذرائع کے مطابق دھماکہ ہائی سکیورٹی زون میں ہواہے، امدادی اور ریسکیوٹیمیں بھی روانہ کردی گئی ہیں، زخمیوں کو لیڈی ریڈنگ منتقل کیا گیا ہے۔

پولیس فورسز نے علاقے کو گھیرے میں لے لیاہے۔

پشاور میں پولیس لائنز کے قریب دھماکہ #GNN #Breaking_News #NewsUpdates pic.twitter.com/DVZRqnsLlf

— GNN (@gnnhdofficial) January 30, 2023

دوسری جانب نگران وزیراعلیٰ محمد اعظم خان نے دھماکے کے بعد پشاور کے بڑے ہسپتالوں میں ایمرجنسی نافذ کرنے کا حکم دیدیا۔

عمران خان نے پشاور پولیس لائن میں دھماکے کی شدید مذمت کرتے ہوئے کہا ہے کہ دہشتگردی کے بڑھتے خطرے سے نمٹنے کی ضرورت ہے، اپنی انٹیلی جنس کو بہتر اور پولیس کومناسب سہولتوں دینی ہونگی، میری دعائیں متاثرہ خاندانوں کے ساتھ ہیں، ان سے دلی تعزیت کرتا ہوں۔

پولیس لائن پشاور کی مسجد میں دورانِ نماز دہشت گرد حملے کی شدید مذمت کرتا ہوں۔میری دعائیں اور ہمدردیاں متاثرہ خاندانوں کےساتھ ہیں۔ دہشتگردی کےبڑھتےہوئےخطرے سےنمٹنےکیلئےلازم ہےکہ ہم اپنی انٹیلی جنس میں بہتری لائیں اور اپنی پولیس کومناسب انداز میں ضروری ساز و سامان سےلیس کریں۔

— Imran Khan (@ImranKhanPTI) January 30, 2023