کراچی میں ایک ماہ میں 14 افراد کو ڈکیتی مزاحمت پر قتل کردیا گیا

تازہ واقعہ میں کراچی کے علاقے منگھوپیر میں مزاحمت پر ٹرک ڈرائیور بھی جان سے گیا۔ ٹرک ڈرائیور عبدالرزاق کے بیٹے کا کہنا ہے کہ مقتول تین دن کی ڈیوٹی کے بعد گھر آرہا تھا کہ ڈاکووں نے ایک موبائل کے پیچھے اسے قتل کردیا۔

اہل خانہ کہتے ہیں مقتول کو ایک گولی کمر میں لگی اور مرتے وقت بھی اس کو اپنے بچوں کی فکر تھی۔

عبدرازق دوبھائیوں سے چھوٹا اور تین بچوں کا باپ تھا اور منگھوپیر میں جماعت اسلامی کا کارکن بھی تھا۔ مقتول کی نماز جنازہ میں علاقہ مکینوں نے بڑی تعداد میں شرکت کی۔ تدفین منگھوپیر کے قبرستان میں کی گئی۔