قبول ہے! قبول ہے! قبول ہے! شاہین آفریدی اور انشا آفریدی کا نکاح

نکاح 3 فروری بروز جمعہ کراچی کی مقامی مسجد میں مولانا عبدالستار نے پڑھایا، نکاح کے بعد تقریب مقامی کلب میں ہوئی۔

جہاں شاہین آفریدی اپنے سسر بوم بوم آفریدی کیساتھ داخل ہوئے، شاہین اور شاہد آفریدی سفید شیروانی میں ملبوث نظر آئے۔

حق مہر: 
دلہن کے حق مہر میں 131 تولہ چاندی کی مالیت آج کل کے چاندی کے حساب سے 3 لاکھ روپے سے زائد بنتی ہے۔

طعام:

طعام میں مہمانوں کے لیے اسٹارٹر میں فریش جوس، ہومس وِد پیٹا اور ڈائنمائٹ شرمپ پیش کیا گیا۔اسٹارٹر کے بعد مین کورس میں چکن چرغا، مٹن سیخ کباب، مٹن چاپس، فائر چلی فِش، مٹن قورمہ، بریانی، ڈرائی بیف وِد چلی ، سبزی میں پالک ، سلاد اور چٹنی تھی۔اس کے علاوہ میٹھے میں گلاب جامن، پان مصالحہ اور کشمیری چائے بھی مہمانوں کو پیش کی گئی۔

دلہا، دلہن کی گزارش: 

'دلہا اور دلہن آپ سب سے درخواست کرتے ہیں کہ اس تقریب میں باہری دنیا سے رابطہ منقطع کرکے ان خاص لمحات میں شریک ہوں'۔
 
تقریب کی منفرد بات:
شاہین اور انشا کے نکاح کی تقریب کی منفرد بات یہ تھی کہ یہاں سارا وقت اسپیکرز پر نعتیں چلائی گئیں۔

شاہدآفریدی کا ٹویٹ:
صبح شاہد آفریدی نے بیٹی اور داماد کے نکاح کی تصویر جاری کی اور ساتھ ہی ان کے لیے خوبصورت پیغام بھی ٹوئٹر پر لکھا۔شاہد آفریدی نے لکھا 'بیٹی باغ کا سب سے خوبصورت پھول ہے کیونکہ یہ بڑی نعمت سے کھلتا ہے'۔شاہد آفریدی نے لکھا کہ 'بیٹی وہ ہے جس کے ساتھ آپ ہنستے ہیں، خواب دیکھتے ہیں اور دل سے پیار کرتے ہیں'۔انہوں نے لکھا کہ 'بطور والد میں نے اپنی بیٹی کو شاہین آفریدی کے نکاح میں دے دیا، ان دونوں کو میری طرف سے ،مبارک ہو'۔

Daughter is the most beautiful flower of your garden because they blossom with great blessing. A daughter is someone you laugh with, dream with, and love with all your heart. As parent, I gave my daughter in Nikkah to @iShaheenAfridi, congratulations to the two of them? pic.twitter.com/ppjcLllk8r

— Shahid Afridi (@SAfridiOfficial) February 4, 2023

پی سی بی کے سابق چیف ایگزیکٹو وسیم خان، اسکواش لیجنڈ جہانگیر خان اور سابق ڈی جی آئی ایس پی آر عاصم سلیم باجوہ بھی تقریب میں موجود ہیں

تقریب میں قومی ٹیم کے کپتان بابر اعظم، سابق کپتان سرفراز احمد، نسیم شاہ اور حال ہی میں رشتہ ازدواج میں بندھنے والے شاداب خان و دیگر بھی موجود تھے۔