پنجاب میں الیکشن کی تاریخ کا فیصلہ نہ ہوسکا

گورنر پنجاب محمد بلیغ الرحمٰن کی صدارت میں لاہور ہائیکورٹ کے احکامات کی روشنی میں ہونے والا اجلاس بے نتیجہ ختم ،اجلاس میں سیکریٹری الیکشن کمیشن ،چیف سیکریٹری اور آئی جی پنجاب سمیت دیگر بھی موجود تھے۔عدالتی احکامات کے باوجود الیکشن کمیشن کی تیم کے ساتھ ہونے والے مشاورتی اجلاس میں انتخابات کروانے کا فیصلہ نہ ہوسکا۔

 ترجمان گورنر پنجاب کے  مطابق لاہور ہائیکورٹ کے فیصلے میں کچھ امور اور گورنر کے مشاورتی کردار کے کچھ پہلو وضاحت اور تشریح طلب ہیں،جس کے لیے قانونی اور آئینی ماہرین سے مشاورت کے بعد عدالت سے رجوع کیا جائے گا۔ 

پاکستان تحریک انصاف کے رہنما فوار چوہدری کا کہنا تھا کہ حسب توقع الیکشن کمیشن اور گورنر پنجاب کے اجلاس میں صرف وقت ضائع کیا گیا۔پاکستان کے آئین اور عدالت کے احکامات کا مذاق بنا دیا گیا ہے،آئین کو ردی کتاب کی طرح لیا جا رہا ہے۔عوام کی رائے کی کوئی حیثیت کے نہ اوقات، اگر آئین کی بحالی کے لئے عوام سڑکوں پر نہ نکلے تو پاکستان نو آبادی بن جائے گا۔

حسب توقع الیکشن کمیشن اورگورنر کے اجلاس میں صرف وقت ضائع کیا گیا،پاکستان کے آئین اور ہائیکورٹ کے احکامات کو مذاق بنا دیا گیا ہے آئین کو ردی کتاب کی طرح لیا جا رہا ہے،عوام کی رائے کی کوئ حیثیت ہے نہ اوقات اگر آئین کی بحالی کیلئےعوام سڑکوں پر نہ نکلے تو پاکستان نو آبادی بن جائیگا

— Ch Fawad Hussain (@fawadchaudhry) February 14, 2023