کوئٹہ سے پشاور جانیوالی ٹرین میں دھماکہ، 2 افراد جاں بحق

چیچہ وطنی: چیچہ وطنی کے قریب کوئٹہ سے پشاور جانے والی جعفر ایکسپریس میں خوفناک دھماکا ہوا ہے۔

ٹرین میں دھماکہ میاں چنوں سے نکلتے ہی ہوا ،دھماکے میں 2 افراد جاں بحق جبکہ تین زخمی ہوئی ہیں، دھماکہ بوگی نمبر چار میں ہوا جہاں تبلیغی جماعت کے لوگ موجود تھے۔
 
دھماکہ کے بعد  ٹرین میں موجود مسافر ایمرجنسی چین کھینچتے رہے مگر عملے نے دھیان نہیں دیا۔

پولیس نے موقع پر پہنچ کر تحقیقات شروع کردی ہیں ، دھماکے کی نوعیت تاحال معلوم نہیں ہوسکی ہے۔

 واقعے میں جاں بحق اور زخمیوں کو ہسپتال منتقل کیا جا رہا ہے، نگران وزیراعلی پنجاب محسن نقوی نے واقعے کا نوٹس لیتے ہوئے واقعہ کی تحقیقات کا حکم دے دیا ہے۔