بابر اعظم ون ڈے کرکٹ کے عالمی نمبر و ن بیٹسمین بن گئے

تفصیلات کے مطابق   قومی ٹیم کے کپتان بابر اعظم نے بھارتی کپتان ویرات کوہلی سے پہلی پوزیشن چھین لی   ،26 سالہ  بابر اعظم آئی سی سی ون ڈے  پلئیرز رینکنگ میں پہلے نمبر پر آ گئے  ہیں ۔  اس سے قبل بابر اعظم آئی سی سی ون ڈے پلئیرز رینکنگ میں دوسرے نمبر پر تھے اور ویرات کوہلی 2017 سے  پہلی پوزیشن پر براجمان تھے ۔آئی سی سی فہرست میں  روہت شرما تیسرے ، روس ٹیلر چوتھے جبکہ ایرون فنچ پانچویں نمبر پرہیں۔  

بابراعظم نے ساوتھ افریقہ کے خلاف ون ڈے سیریز کے اختتام پر پہلی پوزیشن حاصل کی ،جنوبی افریقہ کے خلاف ایک روزہ سیریز  میں مجموعی طور پر 228 رنز بنائے ۔ انہوں نے آخری میچ میں  13 ریٹنگ پوائنٹس حاصل کرکے 865 پوائنٹس حاصل کر لیے جس   کے بعد انہیں  بھارتی کپتان  پر آٹھ پوائنٹس سے برتری حاصل ہوگئی ہے ۔

Babar Azam

The Pakistan captain has overtaken Virat Kohli to become the No.1 batsman in the latest @MRFWorldwide ICC men's ODI rankings pic.twitter.com/krxoKRDsSY

— ICC (@ICC) April 14, 2021

بابراعظم یہ اعزاز حاصل کرنے والے چوتھے پاکستانی بیٹسمین ہیں۔  اس سے قبل ظہیر عباس (1983-84) ، جاوید میانداد  1988-89اور محمد یوسف  2003 میں آئی سی سی ون ڈے رینکنگ میں نمبر ون رہ چکے ہیں ۔  

 بابراعظم اس سے قبل  ٹی ٹونٹی رینکنگ میں نمبر ون بیٹسمین رہ چکے ہیں ، بابراعظم کا ٹی ٹوئنٹی کی عالمی رینکنگ میں تیسرا اور ٹیسٹ میں چھٹا نمبر ہے جبکہ اوپنر فخر زمان بھی ٹاپ 10 بلے بازوں میں شامل ہوگئے، وہ اس وقت آئی سی سی کی رینکنگ میں  ساتویں  نمبر پر آگئے ہیں ۔