سارہ خان کی طبیعیت ناساز، ہسپتال داخل

تفصیلات کے مطابق گلوکار فلک شبیر نے اپنے تصدیق شدہ انسٹاگرام اکاؤنٹ پر ایک خصوصی اسٹوری شیئر کی جس میں اُن کی اہلیہ و اداکارہ  سارہ خان اسپتال میں موجود ہیں۔ اسٹوری میں شیئر کی گئی تصویر دیکھ کر یہ واضح ہورہا ہے کہ اداکارہ کی طبیعت کافی خراب ہے۔ فلک شبیر نے تصویر کے عنوان میں بتایا کہ " سارہ خان کی طبعیت ٹھیک نہیں ہے تاہم اُنہوں نے یہ  نہیں بتایا کہ ان کو کیا ہوا ہے۔" 

انسٹا اسٹوری دیکھنے کے بعد سارہ خان کے چاہنے والے ان کی  جلد صحتیابی کے لیے دُعا کررہے  ہیں اور سوشل میڈیا پر اُن کے لیے مختلف پیغامات بھی شئیر کیے جارہے ہیں ۔

خیال رہے کہ سارہ خان اور فلک شبیر کچھ  روز قبل   چھٹیاں گُزارنے  ترکی میں موجودتھے   تاہم ابھی تک یہ واضح نہیں ہے کہ اداکارہ کی طبیعت تُرکی میں خراب ہوئی ہے یا پھر وہ پاکستان واپس آگئی ہیں۔ سارہ خان اور فلک شبیر کی جانب سے سوشل میڈیا پر  ہر آنے والے دن کی نئی تصویریں شیئر کی جا رہی تھیں جن میں دونوں ہی ایک ساتھ خوبصورت جگہوں پر خوشگوار موڈ میں نظر آ رہے تھے ۔اس کے ساتھ ساتھ فلک شبیر نے اپنے ایک ویڈیو پیغام  میں استنبول  آنے والے مداحوں کو کورونا پابندیوں سے متعلق بھی  متنبہ کیا تھا۔

واضح رہے کہ گزشتہ برس  جولائی  میں  اداکارہ سارہ خان اور نامور گلوکار فلک شبیر رشتۂ ازدواج میں منسلک ہوئے تھے اور سوشل میڈیا صارفین نے  شوبز انڈسٹری کی اس جوڑی کو 2020ء کی بہترین جوڑی قرار دیا  تھا۔