بھارتی طیارے کی کراچی ایئرپورٹ پر ہنگامی لینڈنگ

کراچی: ایک انڈین ایئر لائن کے طیارے نے پیر کو کراچی ایئرپورٹ پر ہنگامی لینڈنگ کی۔

سول ایوی ایشن اتھارٹی (سی اے اے) کے مطابق بھارتی طیارے کو ایک مسافر کی طبیعت خراب ہونے کے باعث کراچی ایئرپورٹ پر ہنگامی لینڈنگ کی اجازت دی گئی۔

سی اے اے کے مطابق پرواز کا مسافر لینڈنگ سے قبل ہی پرواز میں دم توڑ چکا تھا، اس لیے بھارتی ایئر لائن کے کپتان نے میڈیکل ایمرجنسی کی اطلاع دی۔

یہ بھی بتایا گیا ہے کہ سی اے اے اور وفاقی وزارت صحت کے ڈاکٹروں نے مسافر کو چیک کیا تاہم 60 سالہ مسافر عبداللہ لینڈنگ سے قبل ہی دم توڑ چکے تھے۔

مسافر نائجیریا کا شہری تھا تاہم انڈین ایئر لائن کی پرواز نئی دہلی سے دوحہ جا رہی تھی۔

سی اے اے اور وزارت صحت کے ڈاکٹروں نے مسافر کا ڈیتھ سرٹیفکیٹ جاری کیا، جس کے بعد بھارتی طیارہ اپنی منزل پر واپس آگیا۔