امریکی ریاست انڈیانا میں فائرنگ کے واقعے میں 8افراد ہلاک

غیرملکی خبررساں ادارے کے مطابق  انڈیانا پولس  میں جمعرات کو رات گئے  بین الاقوامی ائرپورٹ  کے نزدیک فیڈیکس کمپنی  کے ایک گودام میں فائرنگ کا واقعہ پیش آیا۔ پولیس کے مطابق  افسوس ناک واقعے میں 8 افراد ہلاک ہو گئے ہیں  جبکہ 7 افراد کے زخمی ہونے کی اطلاعات ہیں۔

پولیس  کے مطابق فائرنگ کرنے والے مسلح شخص نے خود کشی کے ذریعے اپنی جان لے لی۔انڈیاناپولس حکام نے واقعے کی جگہ کو انتہائی حساس قرار دیکر ایمرجنسی سروس طلب کر لی ہے۔

خیال رہے کہ گذشتہ چند ہفتوں کے دوران میں امریکا کے کئی شہروں میں اس نوعیت کے فائرنگ کے واقعات دیکھے گئے۔ ان میں شدید ترین واقعہ مارچ کے اواخر میں کولوراڈو میں پیش آیا تھا جہاں  ایک مسلح شخص نے بولڈر شہر کے تجارتی مرکز میں دس افراد کوموت کے گھاٹ اتار دیا تھا ۔