وزیر تعلیم پنجاب کا 19 اپریل سے سکول کھولنے کا اعلان

تفصیلات کے مطابق صوبائی وزیر تعلیم مراد راس نے سماجی رابطے کی ویب سائٹ ٹویٹر پراپنا ایک ٹویٹ کرتے ہوئے بتایا کہ انیس اپریل سے نہم دہم اور انٹرمیڈیٹ کلاسسز کے آغاز کردیا جائے گا۔سرکاری ونجی تعلیمی اداروں میں نہم دہم اور انٹرمیڈیٹ کی دو روز کلاسسز ہونگی،  پیر اور جمرات کوکلاسسزلگانے کی اجازت ہوگی۔

لاہور سمیت تیرہ اضلاع میں کلاسسز لگائی جاسکیں گی۔ان کا مزید کہنا تھا کہ تعلیمی ادارے ایس او پیز پر سختی سے عملدرآمد کریں۔ دیگر تیرہ اضلاع میں فیصل آباد، ملتان، روالپنڈی،گجرانوالہ، گجرات، رحیم یار خان، ٹوبہ ٹیک سنگھ،شیخوپورہ اور ڈی جی خان شامل ہیں۔

ANNOUNCEMENT:
Classes 9,10,11,12 to start in Public & Private Schools on April 19th on Monday & Thursday in Lahore, Rawalpindi, Faisalabad, Sheikhupura, Gujranwala, Gujrat, Sialkot, Multan, TTSingh, Sargoda, Bahawalpur, RYK, DG Khan. Remaining Districts to follow regular Schedule

— Murad Raas (@DrMuradPTI) April 16, 2021

مراد راس کا کہنا ہے کہ صوبے بھر میں نویں سے بارہویں جماعت تک امتحانات شیڈول کے مطابق ہوں گے جبکہ او لیول اور اے لیول کے امتحانات بھی شیڈول کے مطابق لیے جائیں گے۔

صوبائی وزیر تعلیم کے مطابق حتمی منظوری نیشنل کمانڈ اینڈ آپریشن سینٹر (این سی او سی) سے لی جائے گی۔

یاد رہے صوبائی وزیر تعلیم پنجاب مراد راس نے ملک میں بڑھتے ہوئے کورونا وائرس کے پیش نظر  پنجاب میں 11 اپریل تک تمام تعلیمی ادارے بند کرنے کے احکامات جاری کئے تھے ۔