کرینہ نے سیف کے ہمراہ دونوں بیٹوں کی پہلی تصویر شئیر کردی

تفصیلات کے مطابق بالی وڈ اسٹار  کرینہ کپور نے فوٹو اینڈ ویڈیو شئیرنگ ایپ  انسٹاگرام پر ایک خوبصورت تصویر شیئر کی ہے جس میں سیف علی خان اور اُن کے دونوں بیٹوں کو دیکھا جاسکتا ہے۔انسٹاگرام پر شیئر کی گئی تصویر میں سیف علی خان اپنے بڑے بیٹے تیمور کے ہمراہ انتہائی محبت  سے چھوٹے بیٹے کو دیکھ رہے ہیں۔تصویر میں کرینہ اور سیف کے چھوٹے بیٹے کا چہرہ نظر نہیں آرہا کیونکہ انہوں نے بیٹے کے چہرے پر ایموجی لگایا ہوا ہے۔کرینہ کپور نے تصویر کےعنوان میں لکھا کہ میرا ویک اینڈ ایسے گُزرتا ہے ، آپ اپنا ویک اینڈ کیسے گزارتے ہیں ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Kareena Kapoor Khan (@kareenakapoorkhan)

کرینہ اور سیف کے چاہنے والے  اُن کے چھوٹے بیٹے کی پہلی جھلک دیکھنے کے لیے  بے صبری سے انتظار کررہے ہیں جبکہ پوسٹ پر لائکس اور تبصروں کا سلسلہ بھی جاری ہے۔

واضح رہے کہ کرینہ کپور اور سیف علی خان سال 2012 میں رشتۂ ازدواج میں منسلک ہوئے تھے،  کرینہ اور سیف علی خان کے ہاں پہلے بچے کی ولادت 20 دسمبر 2016 میں ہوئی تھی جبکہ اُن کے دوسرے بیٹے کی پیدائش رواں سال 21 فروری کو ہوئی۔