بھارت کو آسٹریلیا کےہاتھوں ہوم گراؤنڈ پر شکست

آسٹریلیا نے تین ون ڈے میچوں  کی سیریز کے تیسرے میچ میں بھارت کو 21 رنز سے ہرا کر سیریز 1-2 سے اپنے نام کرلی۔چنئی کرکٹ اسٹڈیم میں کھیلے گئے تیسرے میچ  میں آسٹریلیا نے پہلے بیٹنگ کرتے ہوئے 49 اووز میں 269 رنز اسکور کیے جبکہ بھارت کی 248 رنز تک محدود رہی۔

قبل ازیں آسٹریلیا نے ٹاس جیت کر پہلے بیٹنگ کرنے کا فیصلہ کیا۔  ٹریوس ہیڈ اور مچل مارش نےآسٹریلیا کو 68 رنزکا اسٹینڈ فراہم کیا۔ ٹریوس ہیڈ 33 رنز بناکر ہردک پانڈیا کا شکار بنے۔ کپتان اسٹیون اسمتھ پہلے ہی گیند پراسٹمپ ہوگئے۔

آسٹریلیا کے تیسرے ٹاپ بیٹر مچل مارش کی وکٹ بھی پانڈیا ہی کے حصے میں آئی۔ مارش نے سب سےزیادہ 47 رنز بنائے۔آسٹریلوی اننگزمیں کوئی بھی کھلاڑی نصف سینچری اسکورنہیں کرسکا اور وقفے وقفے سے وکٹیں گرتی رہیں۔ 49ویں اوور کے اختتام پر کینگروز کی اننگز 269نزپر سمٹ گئی۔