فرانس میں پنشن کے احتجاج میں بورڈو ٹاؤن ہال کو آگ لگا دی گئی

پیرس: فرانس میں پنشن کی عمر بڑھانے کے منصوبے پر جاری احتجاج میں بورڈو ٹاؤن ہال کو آگ لگا دی گئی۔

وزارت داخلہ کے اعدادوشمار کے مطابق پیرس میں 119,000 کے ساتھ جمعرات کو فرانس بھر میں دس لاکھ سے زیادہ لوگ سڑکوں پر نکل آئے، یہ مظاہرے ریٹائرمنٹ کی عمر کو دو سال سے بڑھا کر 64 کرنے کی قانون سازی سے شروع ہوئے۔

Bordeaux town hall set on fire in #France pension protests

More than a million people took to the streets across France on Thursday. The protests were sparked by legislation raising the retirement age by two years to 64. Police fired tear gas at protesters in the capital and 80… pic.twitter.com/KNDcefYz3t

— NEXTA (@nexta_tv) March 23, 2023

احتجاج اور جھڑپوں کے بعد جمعرات کی شام ٹان ہال کے سامنے والے دروازے کو آگ نے لپیٹ میں لے لیا،پولیس نے دارالحکومت میں مظاہرین پر آنسو گیس کی شیلنگ کی اور ملک بھر میں 80 افراد کو گرفتار کر لیا۔

یونینوں نے اگلے منگل کو مزید مظاہروں کی کال دی ہے، جو کنگ چارلس III کے ملک کے سرکاری دورے کے موقع پر ہو گا، اس کا اس دن جنوب مغربی شہر بورڈو میں ہونا طے تھا۔

یہ واضح نہیں ہوسکا کہ آگ لگانے کا ذمہ دار کون ہے جسے فائر فائٹرز نے فوری طور پر بجھایا۔وزیر داخلہ جیرالڈ ڈارمینن نے بادشاہ کے سفر سے قبل کسی بھی قسم کے خدشات کو دور کرنے کی کوشش کی، جمعرات کی رات کہا کہ سیکیورٹی " کوئی مسئلہ نہیں" اور بادشاہ کا "خوش آمدید اور خیر مقدم" کیا جائے گا۔