ملکہ برطانیہ الزبتھ دوم نے اپنے شریک حیات شہزادہ فلپ کو الوداع کردیا

غیر ملکی خبر رساں ادارے کے مطابق   ملکہ برطانیہ الزبتھ دوم نے اپنے شریک حیات   شہزادہ فلپ کو الوداع کردیا ۔شہزادہ فلپ کا تابوب ونڈسر کاسل سے  ان کی خصوصی ڈیزائن کی گئی لینڈ روور پر کاسل سے سینٹ جارج چیپل پہنچایا گیا ۔

 تابوت شاہی گھڑ سوار دستے نے لینڈ روور پر رکھا ۔ پرنس فلپ کے بچے اور شاہی خاندان کے اہم افراد تابوت کے پیچھے چل کر چیپل پہنچے ۔ دعائیہ تقریب کے آغاز سے پہلے برطانیہ بھر میں ایک منٹ کی خاموشی اختیار کی گئی ۔

دعائیہ تقریب کے موقع پر ڈیوک آف ایڈنبرا کے ذاتی طور پر منتخب کردہ شاہی نشانات ،  برطانیہ اور دولت مشترکہ کی طرف سے دیئے گئے  اعزازات  بھی نو گدیوں پر  چرچ میں رکھے گئے ۔شہزادہ فلپ کے تابوت کو ونڈزر کاسل سے سینٹ جارج چیپل  لے جایا گیا تو اس دوران شاہی گھڑ سوار دستے نے ونڈزر کاسل کے  مشرقی باغ سے توپوں کی سلامی دی ۔

شہزادہ فلپ جنگ عظیم دوم میں برطانوی فوج کے ہیرو تھے اسی مناسبت سے ان کی آخری رسومات میں فوجی رنگ نمایاں تھا ۔ شہزادہ فلپ کی آخری رسومات ونڈسر کاسل کے میدانوں میں ادا کی گئیں ۔ کورونا وائرس وبا کی وجہ سے عوام کو ونڈار کاسل اور دیگر شاہی رہائش گاہوں سے دور رہنے کا کہا گیا تھا ۔ اس کے باوجود عوام کی قلیل تعداد ونڈسر کاسل   کے قریب موجود تھی ۔