اللہ پاک ملک کو سیاسی بحران سے نجات عطاء فرمائے،شیخ رشید

راولپنڈی: عوامی مسلم لیگ کے سربراہ شیخ رشید نے عید الفطر کی نماز کے بعد میڈیا سے خطاب کرتے ہوئے دعا کی کے اللہ پاک ملک کو اس سیاسی بحران سے نجات عطاء فرمائے۔ 

انہوں نے مزید کہا کہ رمضان المبارک کے مہینے میں حکومت نے اس ملک کی عوام پر مہنگائی کا بوجھ ڈالا۔ عوام نے بے روزگاری میں جو روزے رکھے ہیں اللہ پاک قبول فرمائے۔

Media talk at Liaqat Bagh after Namaz E Eid - live via https://t.co/iCDHmsbOHg #onestreamlive https://t.co/5N08TIV0rB

— Sheikh Rashid Ahmed (@ShkhRasheed) April 22, 2023

سوشل میڈیا کا رخ کرتے ہوئے سابق وزیرداخلہ شیخ رشید کا کہنا ہے کہ معاشی، سیاسی اور اقتصادی تباہی نےغریب عوام کا ستیاناس کر دیا ہے۔ جب عدلیہ کےخلاف حکومت نےکھلی جنگ کی ہو تو مذاکرات خاک کامیاب ہونگے۔ 

خدا آج کےمبارک دن حکومت کوعقل اورفراست عطا کرےتاکہ ملک دلدل سے نکل سکےمعاشی سیاسی اقتصادی تباہی نےغریب عوام کا ستیاناس کردیا ہےجب عدلیہ کےخلاف حکومت نےکھلی جنگ کی ہوتو مذاکرات خاک کامیاب ہونگےفضل الرحمن کہتا ہےمندر کا ہتھوڑا ہے،ایمل کہتاہےگینگ آف تھری توعدلیہ انہیں کیسےمعاف کرےگی

— Sheikh Rashid Ahmed (@ShkhRasheed) April 22, 2023

 انہوں نے کہا کہ فضل الرحمن کہتا ہے مندر کا ہتھوڑا ہے، ایمل کہتا ہے گینگ آف تھری تو عدلیہ انہیں کیسےمعاف کرےگی۔ دنیا میں کوئی ایسا ملک نہیں نہ ہی ایسا کوئی سیاست دان ہے جو اپنی عدلیہ سے لڑتا ہو، اور وجہ تنازع کیا ہے کہ عدلیہ چاہتی ہے کہ ملک میں آئین کے تحت انتخابات ہوں،عدلیہ عوام کے مفاد میں الیکشن کروانا چاہتی ہے۔