وزیراعظم شہباز شریف پارلیمنٹ کا اعتماد کھو چکے ہیں،فواد چوہدری

پاکستان تحریک انصاف کے رہنما  اور سابق وفاقی وزیر فواد چوہدری نے کہا ہے کہ  وزیراعظم شہباز شریف پارلیمنٹ کا اعتماد کھو چکے۔  

اپنے ٹویٹ میں فواد چوہدری کا کہنا تھا کہ شہباز شریف کو 180  ارکان کی حمایت حاصل ہوئی جن میں سے 20 اراکین اسمبلی کا تعلق تحریک انصاف سے ہے۔ اس لیے ان کا ووٹ وزیر اعظم کے حق میں شمار نہیں کیا جا سکتا۔

شہباز شریف اراکین کی اکثریت کا اعتماد کھو چکے ہیں، بیس اراکین اسمبلی جن کا تعلق تحریک انصاف سے ہے ان کا ووٹ وزیر اعظم کے حق میں شمار نہیں کیا جا سکتا لہذا شہباز شریف کو صرف 172 ارکان کی بجائے صرف 160 ارکان اسمبلی کی حمائیت حاصل آج کا یہ ووٹ شہباز شریف اور PeeDM کی بہت بڑی شکست…

— Ch Fawad Hussain (@fawadchaudhry) April 27, 2023

فواد چوہدری نے کہا کہ اس کا مطلب ہے کہ شہباز شریف کو 172 ارکان کی بجائے صرف 160 ارکان اسمبلی کی حمایت حاصل ہے۔ اس لیے یہ شہباز شریف اور پی ڈی ایم کی بہت بڑی شکست ہے۔