بدھ مت مذہب سے تعلق رکھنے والے شخص نے اپنا ہی سر تن سے جدا کر دیا

غیر ملکی خبر راساں ادارے  کے مطابق بدھ مت سے تعلق رکھنے والا 68 سالہ شخص  مبینہ طور پر پانچ سال سے قربانیوں کی رسم کا منصوبہ بنا رہے تھا۔ سادھو کا ماننا تھا کہ بدھ دیوتا کے لیے اپنی جان دینے سے  اس کی زندگی میں خوشحالی اور خوش قسمتی کا ظہور ہوگا ۔

 15 اپریل کو یہ سادھو  شمال مشرقی تھائی لینڈ کے صوبے نونگ بو لا لمھو کے واٹ فوہن مندر میں مردہ پایا گیا۔

اس کے بھتیجے بونچرڈ بونروڈ نے بتایا کہ اس کے چچا نے سنگ مرمر کی ایک تختی پراپنے  ارادوں کے بارے میں لکھ رکھا تھا ، سادھو کی نظر میں سر کاٹنے کے  اس عمل سے  دیوتا بدھ اس سے ہمیشہ کیلئے خوش ہوجائیں گے ۔ خط میں سادھو نے اس بات کا بھی ذ کر کیا  کہ وہ  گزشتہ پانچ سالوں  سے اس اقدام کو اٹھانے  کی منصوبہ بندی کر رہے ہیں ۔

ان کی خواہش تھی کہ وہ دیوتا بدھ کی خدمت میں  اپنے سراور روح کا نذرانہ پیش  کریں تاکہ  بدھ مت دیوتا اگلی زندگی میں اعلی روحانی وجود کی حیثیت سے اسے دوبارہ جنم دینے میں مدد دے۔