عمران خان کی گرفتاری حکومت کی اپنے پائوں پر کلہاڑی ہے،شیخ رشید

عوامی مسلم لیگ کے سربراہ اور سابق وزیر داخلہ شیخ نے کہا کہ عمران خان کی گرفتاری حکومت کی اپنے پائوں پر کلہاڑی ہے،ملک جل رہا ہے اور نواز شریف، شہباز شریف لندن میں بیٹھ کر بانسری بجا رہے ہیں۔

اپنے ٹویٹ میں شیخ رشید کا کہنا تھا کہ سیاسی انتقام میں ملک کی سلامتی داؤ پر لگا دی گئی ہے اور ملک دیفالٹ ہونے جا رہا ہے۔دوست ممالک کے مشوروں کو بھی اہیمیت نہیں دی جا رہی ہے۔عمران خان کی جان کو قید کے دوران نقصان پہنچا تو ملک میں خانہ جنگی شروع ہو جائے گی۔

سربراہ عوامی مسلم لیگ نے کہا کہ نواز شریف کے گھر ایون فیلڈ لندن کے باہر اور پاکستانی ایمبیسی کے باہر لوگوں کے تاریخی احتجاج کی مثال اس سے پہلے نہیں ملتی۔عمران کی گرفتاری موٹووے سے بھی ہو سکتی تھی،عدالت کے احاطے سے ہی کیوں کی گئی۔چیف جسٹس عمر عطاء بندیال سے اپیل ہے کہ ملک کو بچا لیں ورنہ تفرت کی آگ گلی محلے میں پھیل جائے گی۔

ان کا مزید کہنا تھا کہ اسٹاک ایکسچینج بیٹھ گئی ،ڈالر آسمان سے باتیں کر رہا ہے۔ایک دن میں اربوں کا کاروبار تباہ ہو گیا۔لوگ سپریم کورٹ کی طرف دیکھ رہے ہیں اور عدلیہ کے پیچھے کھڑے ہیں۔پاکستان دنیا کا واحد ملک ہے جہاں پر قسم کی سنسرشپ لگا دی گئی ہے۔عمران خان انتا اہم اور مقبول ہو گیا ہے کہ دنیا کے میڈیا اسے کوریج دے رہا ہے ۔ملک افواہوں کی زد میں ہے۔