پاکستان میں پھیلی بدامنی کو ایک متحرک اور پرجوش کوشش کے ذریعے بچایا جاسکتا تھا،جاوید میانداد

سابق ٹیسٹ کرکٹر اور پاکستان کرکٹ ٹیم کے سابق کوچ جاوید میانداد نے کہا ہے کہ پاکستان میں پھیلی بدامنی کو ایک متحرک اور پرجوش کوشش کے ذریعے بچایا جاسکتا تھا۔

اپنے ٹویٹ میں جاوید میانداد نے لکھا کہ صرف معروف ریٹائرڈ ججز، مسلح افواج کے ریٹائرڈ سینئر افسران،  میڈیا کے اینکر  پرسنز،  ریٹائرڈ فارن سیکرٹریز، اعلیٰ کاروباری شخصیات اور سابق کرکٹرز کو ہی ہاتھ ملا کر آرمی چیف اور عمران خان سے ملنا چاہیے تھا اور اپنے اختلافات کو پگھلانے کے لیے آئس بریکر کا کام کرنا چاہیے تھا۔

عمران خان کی گرفتاری ہماری ذمہ داریاں

صرف معروف ریٹائرڈ ججز، مسلح افواج کے ریٹائرڈ سینئر افسران، میڈیا کے اینکر پرسنز، ریٹائرڈ فارن سیکرٹریز، اعلیٰ کاروباری شخصیات اور سابق کرکٹرز کو ہی ہاتھ ملا کر آرمی چیف اور عمران خان سے ملنا چاہیے تھا اور اپنے اختلافات کو پگھلانے کے لیے آئس… pic.twitter.com/6X3CPxKhjK

— Javed Miandad (@Javed__Miandad) May 11, 2023

سابق ٹیسٹ کرکٹر کا کہنا تھا  کہ انہیں ان دو متحارب مخالفوں کے درمیان بات چیت کے لیے ایک پل بنانا چاہیے تھا جو آمنے سامنے ملنے کو تیار نہیں، میں اسے ہماری سول سوسائٹی کی ناکامی کے طور پر دیکھتا ہوں جو اپنے کمفرٹ زونز میں جمی رہی اور پاکستان میں بدامنی پھیلی ہوئی تھی، ایک متحرک اور پرجوش کوشش کے ذریعے اس سے بچایا جاسکتا تھا۔

 سابق کرکٹر کا کہنا تھا کہ سول سوسائٹی کو اب کام کرنا چاہیے اور فوج اور عمران خان کے درمیان خلیج کو ختم کرنا چاہیے،  پاکستان کو بچانے کا یہی واحد راستہ ہے،  آئیے عمران اور فوج کو چہرہ بچانے کی سہولت فراہم کریں کیونکہ دونوں کو ایک مدد گار اور نجات دہندہ کی ضرورت ہے۔