زرغون: سکیورٹی فورسز کی پوسٹ پر دہشت گردوں کا حملہ ، 3 جوان شہید

 کوئٹہ: بلوچستان کے علاقے زرغون میں سکیورٹی فورسز کی پوسٹ پر دہشت گردوں نے حملہ کر دیا، شدید فائرنگ کے تبادلے میں 3 جوان شہید ایک دہشت گرد ہلاک ہو گیا۔

نجی ٹی وی "دنیا" نیوز نے پاک فوج کے شعبہ تعلقات عامہ (آئی ایس پی آر ) کے حوالے سے بتایا کہ پوسٹ پر موجود جوانوں نے دہشت گردوں کا جوانمردی سے مقابلہ کیا۔ جوابی کارروائی میں ایک دہشت گرد جہنم واصل ہو گیا جبکہ دیگر فرار ہو گئے۔

   چیک پوسٹ کا مقصد کوئلے کی کان پر دہشت گردوں کے حملے روکنا تھا، دہشت گردوں کے ٹھکانوں پر سکیورٹی فورسز کا آپریشن شروع کر دیا گیا۔