ملک بھر میں 24 گھنٹوں کے دوران کورونا وائرس کے4کیس رپورٹ

اسلام آباد: ملک بھر میں 24 گھنٹوں کے دوران کورونا وائرس کے 4 کیس رپورٹ ہوئے اور 6 مریضوں کی حالت تشویش ناک ہے۔

پیر کو قومی ادارہ صحت (این آئی ایچ) کی طرف سے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے ایک ہزار 424 ٹیسٹ کیے گئے جن میں سے 4 افراد کے ٹیسٹ مثبت آئے۔

اس طرح مثبت کیسز کی شرح 0.28 فیصد رہی اور اس دوران کوئی مریض جاں بحق نہیں ہوا تاہم 6 مریضوں کی حالت تشویشناک ہے۔

لاہور میں گزشتہ 24 گھنٹوں کے دوران 165 ٹیسٹ کئے گئے جن میں سے 3 ٹیسٹ مثبت آئے اور وہاں پر مثبت کیسز کی شرح 1.82 فیصد رہی۔