جدہ کو اپنی جدید سہولتوں اور فیفا کلب عالمی کپ جیسے بڑے بین الاقوامی مقابلوں کے میزبان شہر کے طور پر منتخب کیا گیا ہے


جدہ: فیفا کلب عالمی کپ 2023 فٹ بال ٹورنامنٹ کی میزبانی سعودی عرب کرے گا۔
سعودی عرب فٹ بال فیڈریشن (ایس اے ایف ایف) اور فٹ بال کی عالمی تنظیم (فیفا )کے مشترکہ اعلامیے کے مطابق فیفا کلب عالمی کپ ٹورنامنٹ 2023 رواں سال 12 سے 22 دسمبر تک سعودی عرب کے شہرجدہ میں کھیلا جائے گا جو پہلی مرتبہ سعودی عرب میں منعقد ہوگا، ایس اے ایف ایف نے فروری میں اعلان کیا تھا کہ فٹ بال کے یہ مقابلے سعودی عرب میں منعقد کیے جائیں گے اور فیفا کے وفد کے دورے میں حکام نے تیاریوں کا جائزہ لینے کے بعد جدہ کو ٹورنا منٹ کا حتمی مقام قرار دیا تھا۔
ساف کے صدر یاسر بن حسن المسحل نے ایک بیان میں کہا ہے کہ ہمیں خوشی ہے کہ جدہ کو اپنی جدید سہولتوں اور فیفا کلب عالمی کپ جیسے بڑے بین الاقوامی مقابلوں کے میزبان شہر کے طور پر منتخب کیا گیا ہے۔انہوں نے مزید کہا کہ کھیل ویژن 2030 کے تحت سعودی عرب میں جاری تبدیلی کا ایک اہم محرک ہیں اورجس سے سعودی عرب کو دنیا میں کھیلوں میں تیزی سے آگے بڑھتے اور پُرجوش ممالک میں سے ایک کے طور پر متعارف کرایا ہے۔
سعودی عرب کو میزبانی ملنے سے قبل فیفا کے وفد نے اپنے دورے میں شاہ عبداللہ سپورٹس سٹی سٹیڈیم اور شہزادہ عبداللہ الفیصل سٹیڈیم سمیت کھیلوں کے اہم انفراسٹرکچر کا تفصیلی معائنہ کیا اور اس کے ساتھ ساتھ تربیت اور رہائش کی سہولتوں کا بھی جائزہ لیااور اطمنان کا اظہار کیا جس کے بعد ساف نے فیفا ورلڈ کپ کے چھے ٹورنامنٹس کے لیے کوالیفائی کیا ہے۔ مینز انڈر ۔23 اے ایف سی ایشیا کپ جیتا ہے، کامیابی کے ساتھ خواتین کی قومی ٹیم تشکیل دی ہے جو اب فیفا کی درجہ بندی میں شامل ہے اور انڈر۔17 خواتین کی قومی ٹیم کا آغاز کیا ہے۔
گراس روٹ لیول پرایس اے ایف ایف نے ینگ ٹیلنٹ کو پروان چڑھانے کے لیے 28 علاقائی تربیتی مراکز کھولے ہیں اور 5500 کوچ رجسٹرڈ کیے ہیں۔ان میں ایک ہزار خواتین کوچز شامل ہیں۔ان کی یہ تعداد 2018 میں مجموعی طور پر 750 تھی۔سعودی عرب میں 2018سے اب تک مرد رجسٹرڈ کھلاڑیوں کی تعداد میں 58 فی صد اضافہ ہوا ہے جبکہ اسی عرصے میں رجسٹرڈ خواتین کھلاڑیوں کی تعداد میں 86 فی صد اضافہ ہوا ہے۔\932

راولپنڈی: گھر سے خاتون اینکر ربیعہ احسن کی گولی لگی لاش برآمد
- 8 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 10 دن قبل
پہلے ایل پی جی اوراب بجلی بم گرا دیا گیا
- 9 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 8 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 9 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 8 دن قبل

پیٹرول اور ڈیزل کی قیمتوں میں کمی کا اعلان
- 11 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 9 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 8 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 10 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 9 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 9 دن قبل






