سینی گال کے گول کیپرمینڈی چیلسی کو چھوڑ کر سعودی عرب کے الاہلی کلب میں شامل

سینی گال کے گول کیپرمینڈی چیلسی کو چھوڑ کر سعودی عرب کے الاہلی کلب میں شامل

سینی گال کے گول کیپر ایڈورڈ مینڈی نے لندن کے چیلسی فٹ بال کلب کو چھوڑ کر سعودی عرب کے الاہلی کلب میں شمولیت اختیار کرلی ہے۔

الاہلی کلب کا کہنا ہے کہ مینڈی کا کنٹریکٹ 2026 تک جاری رہے گا۔برطانوی میڈیا کے مطابق سعودی کلب گول کیپر کو ایک کروڑ 60 لاکھ پاؤنڈ (20.24 ملین ڈالر) ادا کرے گا۔

The Best FIFA goalkeeper ✅
Africa Cup of Nations best goalkeeper ✅
Champions League best goalkeeper ✅

All about @edou_mendy_ ?#WelcomeMendy pic.twitter.com/AiaigdzUpl

— Al-Ahli Saudi Club (@ALAHLI_FCEN) June 28, 2023

مینڈی نے 2020 میں سٹیڈ رینائس سے پریمیئر لیگ چیلسی میں شمولیت اختیار کی تھی اور 31 سالہ گول کیپر نے 2021 کے فائنل میں مانچسٹر سٹی کو 1-0 سے شکست دے کر چیمپیئنز لیگ کا ٹائٹل جیتنے میں اہم کردار ادا کیا تھا۔

چیلسی کے جرمن مینجر تھامس ٹچل کے جانے کے بعد مینڈی کوچ گراہم پوٹر اور پھر فرینک لیمپارڈ کی قیادت میں کیپا اریزابالاگا کے ساتھ پیچھے رہ گئے۔

سعودی پرولیگ کے چیمپیئن الاتحاد کلب نے رواں ماہ کے اوائل میں بیلن ڈی اور کے فاتح کریم بینزیما سے معاہدہ کیا تھا جبکہ کلب نے بھی گذشتہ ہفتے چیلسی کے سابق مڈفیلڈر این گولو کانٹے کے اس اقدام کی تصدیق کی تھی۔

مینڈی سے پہلے ان کے اپنے ہم وطن کالیدو کولیبلی اور کانٹے نے الہلال کلب میں شمولیت اختیار کی تھی اور وہ سعودی عرب منتقل ہونے والے چیلسی کلب کے تیسرے کھلاڑی بن گئے ہیں۔