دبئی میں دو بڑوں کی ملاقات میں کیا طہ پایا؟

اسلام آباد: پاکستان پیپلز پارٹی کے سینئر رہنما قمر زمان نے کہا کہ پی ڈی ایم اتحاد صرف اس حکومت تک ہے لیکن ایک اصولی مؤقف طے ہوچکا ہے کہ ایک دوسرے کی مخالفت تک ٹھیک ہے ہم ماضی کی طرح ایک دوسرے کو ختم کرنے والے ماحول میں نہیں جائینگے۔

قمر زمان کائرہ نے جی این این پلس سے خصوصی گفتگو کے دوران کہا کہ ہر جماعت کی خواہش ہوتی ہے کہ وہ تمام سیٹیں جیتے یا اکثریت سے منتخب ہوکر حکومت بنائے جو کبھی کبھار ہی پوری ہوتی ہے اور سیاسی پارٹیوں کو تعاون کے ساتھ ہی چلنا پڑتا ہے۔ سیٹ ایڈجسٹمنٹ بارے ابھی تک کوئی معاملہ نہیں اٹھایا گیا۔

انہوں نے مزید کہا کہ پی ٹی آئی کی حکومت جب گئی تو پاکستان کی خارجہ پالیسی فعال تھی، امریکہ، یورپ، ترکیہ، کے ساتھ تعلقات خراب ہوئے اور پاکستان عالمی طور پر تنہا ہوگیا تھا۔