وزیراعظم کا گلگت بلتستان کیلئے 370ارب روپے کے ترقیاتی پیکج کا اعلان

 تفصیلات کے مطابق وزیراعظم عمران خان نے گلگت بلتستان میں تقریب سے خطاب کرتے ہوئے کہا کہ گلگت بلتستان میں سیاحت سے پورے ملک کو فائدہ ہوگا۔  جی بی کوایساپیکج دینےپرخراج تحسین پیش کرتاہوں، ایساپیکیج دیناچاہتاتھاجس سےیہاں ترقی آئے، قرضوں کی قسطیں دینے کی وجہ سے وسائل بہت کم ہوجاتے ہیں اور ہر جگہ سے پیسوں کا مطالبہ ہے تاہم گلگت بلتستان کے لیے اس طرح کا پیکج ایک بہت بڑا کارنامہ ہے۔

 وزیراعظم کا کہنا تھا کہ جب15سال کاتھاتواسکول کےساتھ گلگت بلتستان آیاتھا، گلگت بلتستان کی سڑکیں جیسی تھیں یہاں کےڈرائیورزکوسلام پیش کرتاہوں، ہزاروں میل اوپرجاکرجب نیچے دیکھوتوکوئی جیپ گری ہوتی تھی بہت خوف آتاتھا۔یہاں کوئی آتا ہی نہیں تھاعلاقہ دنیا سے کٹا ہوا تھا، سڑکیں اتنی مشکل تھی کہ یہ علاقےایک دوسرے سے کٹے ہوئے تھے، اسکردو سے گلگت جانے والی سڑک بہت خطرناک تھی، ہم یہاں کی سڑکیں بہتر کرنے پر پیسہ خرچ کررہےہیں ۔

ان   کا کہنا تھا کہ گلگت بلتستان میں سیاحت ضروری ہے، گلگت بلتستان سوئٹرزلینڈسےزیادہ خوبصورت اوردگناہے، یہاں سیاحت ضرورت ہے ، پاکستان کی تمام برآمدات مشکل سے25 ارب ڈالر ہیں، ہمارے دور میں بڑھ رہی ہیں، سوئٹرزلینڈ سیاحت سے 60 سے 80 ارب ڈالر کماتا ہے، سیاحت سے آپ کو روزگار ہمیں فارن ایکس چینج ملے گا، جی بی میں سیاحت سے پورے ملک کوفائدہ ہوگا۔ انہوں نے مزید کہا کہ ہمارےحکمران چھٹیوں پر لندن جاتےہیں بچےباہرجائیدادیں باہر،انہیں پتہ ہی نہیں پاکستان میں کتنےخوبصورت علاقےہیں، جب ہمارے حکومت آئی توسوچااس خطےکواوپرلیکرآناچاہئے، ہنزہ اور نگرجیسی خوبانی دنیامیں کہیں نہیں، یہاں فوڈپراسسنگ انڈسٹری لگ سکتی ہے. 

وزیراعظم کامزید کہنا تھا کہ مجھ سےبڑےبڑےغلط فیصلےہوجاتےہیں، پارٹی ٹکٹ دینےمیں میں نےغلطیاں کیں، کبھی سوچتاہوں فلاں کو وزیر بنا دیتا تو اچھا ہوتا ، آپ کا وزیراعلیٰ خالد کو چننے کا فیصلہ کرنےپر خوشی ہے،اس میں کوئی غلطی نہیں کی۔ انہوں نے کہا کہ ایک وہ لوگ ہوتے ہیں جو سیاست میں صرف اپنی ذات کو فائدہ پہنچانے کیلئے آتے ہیں ، ایک وہ جو ملک سے پیسہ چوری کرکے باہر لے جاتے ہیں وہ سب سے بڑے غدار ہیں ، اپنی پوزیشن سے خود کو فائدہ پہنچانے کو کرپشن کہتے ہیں ۔ انہوں نے کہا کہ نیب 20 سال سے قائم ہے، صرف اب اس نے بڑے بڑے لوگوں پر ہاتھ ڈالا ہے، پاکستان کی خوشحالی کے لیے یہ ایک جدوجہد چل رہی ہے۔