بیرون ممالک سے پاکستان آنے والے مسافروں کیلئے نئی ایڈوائزری جاری

تفصیلات کے مطابق این سی او سی نے وزارت خارجہ، داخلہ، سول ایوی ایشن سمیت تمام صوبائی چیف سیکرٹریزکو مراسلہ ارسال کردیا۔ایڈوائزری کے مطابق پاکستان آنے والی ایئر ٹریفک 80 فیصد تک کم کرنے کی ہدایت کی گئی ہے۔ فضائی سفر محدود رکھنے کی پابندیاں 4 سے20 مئی تک نافذ رہیں گی، 18 مئی کو موجودہ پابندیوں کے پلان کا از سر نو جائزہ لیا جائے گا ، پاکستان آنے والے مسافروں کو 72گھنٹے قبل پی سی آر منفی ٹیسٹ رپورٹ دکھانا لازم ہوگا۔

  مسافروں کی پاکستان آمد پر ایئرپورٹ پر دوبارہ پی سی آر ٹیسٹ کیا جائے گا، این ڈی ایم اےتمام انٹرنیشنل ایئرپورٹس پرپی سی آر ٹیسٹ کٹس کی فراہمی یقینی بنانےکی پابند ہوگی،مسافر ٹیسٹ پازیٹو ہونے پر دس دن قرنطینہ کرنے کے پابند ہوں گے۔ مثبٹ رپورٹ پر مسافر کوضلعی انتظامیہ کےزیر انتظام قرنطینہ بھیجا جائے گا، بیرون ملک سےآنےوالےتمام مسافروں کی فاسٹ ٹریک ایپ میں رجسٹریشن لازمی قرار، بیرون ملک سےملک بدرکئےگئےپاکستانی فاسٹ ٹریک ایپ کی رجسٹریشن سےمستثنی ہوں گے۔

این سی او سی نے سول ایوی ایشن، پی آئی اے کو ریوائزڈ ایئر ٹریفک پلان بنانےکی ہدایت کی، جبکہ  تمام بین الاقوامی ائرپورٹس پرمحکمہ صحت عملہ کی 24 گھنٹے موجودگی کویقینی بنایا جائے گا،  ایڈوائزری کے مطابق ایوی ایشن ڈویژن،ایئرپورٹ مینجمنٹ مسافروں کی ٹیسٹنگ کیلئےمحکمہ صحت کوسہولتیں فراہم کریں گے۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 146 افراد جاں بحق ہوگئے، جس کے بعد اموات کی تعداد 17 ہزار 957 ہوگئی۔ پاکستان میں کورونا کے تصدیق شدہ کیسز کی تعداد 8 لاکھ 25 ہزار 519  تک جاپہنچی ہے ۔ ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  5544فرادکوروناوائرس کوشکست دےچکے ہیں۔ ملک بھر میں اب تک 7لاکھ 17 ہزار009مریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔