پاکستان نے زمبابوے کوپہلے ٹیسٹ میں ایک اننگرز اور 116 رنز سے شکست دیدی

پاکستان اور زمبابوے کے درمیان کھیلے جانیوالے پہلے ٹیسٹ میچ میں پاکستان نے زمبابوے کو  ایک اننگرز اور 116 رنز کے فرق سے ہرا دیا ہے۔ زمبابوے کی ٹیم دوسری اننگز میں  134 رنز بنا کر آؤٹ ہو گئی۔ زمبابوے کی جانب سے آخری بلے باز زخمی ہونے کے باعث بیٹنگ کیلئے نہیں آیا۔

پاکستان کی جانب سے حسن علی 5  وکٹیں لے کر سرفہرست رہے ہیں ۔ حسن علی کو میچ میں 9 وکٹیں حاصل کرنے پر مین آف دی میچ کا ایوارڈ دیا گیا۔جبکہ  نعمان علی نے 2 اور فہیم اشرف نے 1 وکٹ حاصل کی ہے۔

زمبابوے کی جانب سے مساکاندا 43 رنز بناکر نمایاں رہے، برینڈن نے 29 رنز بنائے۔ دو ٹیسٹ میچز کی سیریز میں پاکستان کو ایک صفر کی برتری حاصل ہوگئی ہے۔

اس سے قبل پاکستان اپنی پہلی اننگز میں  426 رنز بنا کر آؤٹ ہوگئی تھی، فواد عالم نے 140 رنز کی عمدہ اننگز کھیلی،  نمایاں بلے بازوں میں عمران بٹ91 اور عابد علی 60 محمد رضوان 45، اظہر علی 36 اور حسن علی 30 رہے، زمبابوے کی جانب سے بلیسنگ مزارابانی نے 4، ڈونلڈ ٹریپانو نے 3، رچرڈ نگاراوا نے 2 جبکہ ٹنڈائی چیسورو نے ایک وکٹ حاصل کی۔

ہرارے ٹیسٹ کی پہلی اننگز میں زمبابوے کی ٹیم 176 رنز بناکر آؤٹ ہوئی تھی،پاکستان کی جانب سے حسن علی اور شاہین شاہ آفریدی نے4 چار کھلاڑیوں کو آؤٹ کیا، ایک وکٹ ‏اسپن باؤلر نعمان نے حاصل کی جبکہ ایک کھلاڑی رن آؤٹ ہوا تھا۔پاکستان اور زمبابوے کے درمیان دوسرا ٹیسٹ میچ 7 مئی سے ہرارے میں ہی کھیلا جائے گا۔