ہواوے ٹیکنالوجیز کے وفد کی وزیر خارجہ مخدوم شاہ محمود قریشی سے ملاقات

تفصیلات کے مطابق ہواوے ٹیکنالوجیزکے وائس پریذیڈنٹ مسٹرسپیس لی کی قیادت میں ہواوے ٹیکنالوجیز کے وفد کی وزارتِ خارجہ میں وزیر خارجہ مخدوم شاہ محمود قریشی سے ملاقات ہو ئی  جس میں وفاقی پارلیمانی سیکرٹری خزانہ مخدوم زادہ زین قریشی بھی اس موقع پر موجود تھے۔

وفد  نے وزیر خارجہ کو ہواوے ٹیکنالوجیز کی جانب سے پاکستان میں جاری مختلف منصوبوں اور سرمایہ کاری کے حوالے سے بریفنگ دی ۔وزیر خارجہ نے نوجوانوں کو جدید ٹیکنالوجیز سے آراستہ کرنے کے حوالے سے ہواوے ٹیکنالوجیز کے جذبے کی تعریف کی۔

مخدوم شاہ محمود قریشی نے کہا کہ پاکستان میں ٹیکنالوجی کےشعبےمیں سرمایہ کاری کے وسیع مواقع ہیں، اقتصادی سفارت کاری کے تحت دنیا کی توجہ پاکستان میں سرمایہ کاری کے میسر مواقعوں کی طرف مبذول کروا رہے ہیں ۔

وزیر خارجہ نے کہا کہ آئی ٹی کو بروئے کار لا کر شفافیت اور بہتر گورننس کو یقینی بنایا جا سکتا ہے۔وائس پریذیڈنٹ ہواوے ٹیکنالوجیز مسٹر سپیس لی نے، وزیر خارجہ کو ہواوے کی طرف سے نئی متعارف کروائی گئی "آئیڈیا ہب سکرین" کا تحفہ پیش کیا۔