ٹویٹر نے 600 سے زائد فالوورز والے صارفین کو نیا فیچر دیدیا

تفصیلات کے مطابق  ٹویٹر نے نئے فیچر  " آڈیو اسپیس "  کا اعلان کیا ہے جس کے تحت دنیا بھر میں 600 سے زائد فالوورز والے صارفین  اپنے فالوورز اور مداحوں سے براہِ راست آواز کے ذریعے رابطہ اور گفتگو بھی کرسکیں گے۔

  ٹویٹر نے اس بارے میں  باضابطہ طور پر اعلان کرتے ہوئے کہا ہے کہ آڈیو اسپیس کے ذریعے  لوگ اپنے فالوورز اور مداحوں سے براہِ راست آواز کے ذریعے رابطہ اور گفتگو بھی کرسکیں گے اور اس ضمن میں حاصل شدہ تجربے سے ہم آڈیو اسپیس کو مزید بہتر اور استعمال میں آسان بنائیں گے۔

یہ فیچر آئی او ایس اور اینڈروئڈ دونوں طرح کے فون کیلئے سستیاب ہے۔

اہم  بات یہ ہے کہ " کلب ہاؤس "  میں کئی طرح کی حدود رکھی جاتی ہیں۔ لیکن ٹویٹر کے مطابق  اس ضمن میں کوئی حدود اور شرائط نہیں رکھی جارہیں۔

خیال رہے کہ  اس کے تجربات مارچ سے جاری تھے لیکن اب اسے دنیا بھر کے صارفین کے لیے کھول دیا گیا ہے۔