کیا میدے سے بنی اشیاء ہماری صحت کیلیے مفید ہیں ؟

بیکری کی بنی اشیا میں زیادہ تر لوگ بسکٹ کھانا پسند کرتے ہیں ، بسکٹ عموما چائے کے ساتھ کھایا جاتا ہے جو کہ ہماری معدے کے لیے کوئی اچھا ثابت نہیں ہوتا ۔

بسکٹ کی تیاری میں میدے کا استعمال زیادہ کیا جاتا ہے ، مگر کچھ بسکٹ دیگر چیزوں یعنی اناج سے بھی تیار کئے جاتے ہیں، ایسے بسکٹس جس میں چینی، کریم، چاکلیٹ کا استعمال کیا گیا ہو ان سے پرہیز کرنا زیادہ بہتر ہے، کیونکہ ان میں کیلوریز کی بہت زیادہ مقدار ہوتی ہے، ہمیں اپنے جسم کو جتنی کیلوریز چاہیے اس حساب سے چیزیں کھانا چاہیے زیادہ کیلوریز بھی ہماری صحت کو بری طرح ڈیمیج کرتیں ہیں اس کے علاوہ سیچوریٹڈ چکنائی اور مکھن بھی بڑی مقدار میں استعمال کیا جاتا ہے، جو صحت کے لئے مفید نہیں ہے۔

بسکٹ کو تیار کرنے کے لئے مختلف اجزاء اور ذائقوں کا استعمال کیا جاتا ہے، جیسے جام، آئسنگ، چاکلیٹ، چینی، دار چینی، یا ادرک کا بھی استعمال کیا جاتا ہے۔ اس کے علاوہ چاکلیٹ کوٹڈ بسکٹ اور کریم والے بسکٹ بھی شامل ہیں۔

بیکری اشیا میں زیادہ تر چیزیں میدے سے تیار کی جاتی ہیں جو کہ ہماری صحت کے لیے مفید ثابت نہیں ہوتیں ، اگر روزانہ کی بنیا د پر ورزش کو معمول بنانے والے افراد اس طرح کی چیزیں ہفتے میں ایک دو دن کھا بھی لیں تو ان پر اس کا اثر کم پڑے گا کیونکہ ورزش اس کے اثر کو زائل کر دیتی ہے ۔